मुंबई : काही दिवसांपूर्वीच किंग खानच्या (Shah Rukh Khan) जवान या चित्रपटाचा टीझर समोर आला होता. त्या टीझरमुळे शाहरुख खान (Shah Rukh Khan) मोठ्या प्रमाणात चर्चेत आहे. या चित्रपटात तो याआधी कधीही न पाहिलेल्या अवतारात दिसणार आहे. सध्या सोशल मीडियावर चर्चा रंगली आहे ती ‘जवान’ मधील त्याच्या एका डायलॉगची. या डायलॉगचे कनेक्शन थेट सनी देओल सोबत जोडलं जातंय. ‘जेव्हा मी व्हिलन बनतो, तेव्हा माझ्यासमोर कोणीही हिरो टिकू शकत नाही…’ ‘जवान’चा हा डायलॉग ऐकून चाहत्यांनी, शाहरुख खानने सनी देओलची खिल्ली उडवली आहे, असा निष्कर्ष काढला आहे. त्यामुळे सोशल मीडियावर आता किंग खान अन् सनी देओलचे फॅन्स एकमेकांशी भिडताना दिसत आहेत. या सगळ्यामागे एक खास किस्सा दडलेला आहे.
Urfi Javed : उर्फी जावेद बॉलिवूडमध्ये करणार पदार्पण? ‘या’ चित्रपटात दिसू शकते
काय आहे तो 30 वर्षांपूर्वीचा किस्सा ?
शाहरुख खान (Shah Rukh Khan) आणि सनी देओल यांनी 30 वर्षांपूर्वी ‘डर’ या चित्रपटात एकत्र काम केलं होतं. ज्यामध्ये सनी देओलने नायकाची भूमिका केली होती, तर शाहरुख खान खलनायक बनला होता. तेव्हा या चित्रपटातील शाहरुखची व्हिलनची भूमिका सुपरहिट ठरली होती. तेव्हा शाहरुख इंडस्ट्रीत नवीनच होता. त्यामुळे एक नवोदित अभिनेत्याने संपूर्ण लाइमलाइट लुटल्याचा राग सनी देओलला आला होता. यानंतर सनीच्या वडिलांनी म्हणजेच धर्मेंद्र यांनी मद्यधुंद अवस्थेत तेव्हा यश चोप्रा यांच्यासोबत याच गोष्टीवरून वाद घालत सनी आता कधीही शाहरुखसोबत काम करणार नसल्याचं सांगितलं होतं. 30 वर्षांनंतरसुद्धा सनी देओलने ही शपथ मोडलेली नाही.
Alia Bhatt : ‘झुमका गिरा रे’चं रिक्रेशन अन् आलियाचे फायर एक्सप्रेशन्स
त्या चित्रपटाच्या शूटिंगवेळी सनीला चित्रपटातील दोन पात्रांपैकी एक निवडण्यास सांगितले होते, त्यानंतर त्याने हिरोची निवड केली आणि व्हिलनची भूमिका शाहरुखच्या पारड्यात पडली. मात्र, हा चित्रपट प्रदर्शित झाल्यानंतर सनी देओल पेक्षा शाहरुख खानची भूमिका प्रचंड गाजली होती. यानंतर सनी देओलने एका वृत्तपत्राला मुलाखत दिली होती. यामध्ये त्याने ‘मला माहित नव्हते की ते चित्रपटात खलनायकाला एवढं चांगलं दाखवतील. मी चित्रपटात नेहमी मोकळ्या मनाने काम करतो आणि माणसांवर विश्वास ठेवतो. ‘ अशी खदखद व्यक्त केली होती. जवळपास 16 वर्षे सनी देओल आणि शाहरुख खान एकमेकांशी बोलले नव्हते.
