बॉलिवूडचे महानायक अर्थात अमिताभ बच्चन हे सोशल मीडियावर नेहमी सक्रिय असतात. त्यांनी रविवारी फेसबुकवर एक पोस्ट केली. त्यावर एका नेटकऱ्याने त्यांना अबे बुड्ढे असे म्हणत त्यांचा अपमान केला. पण या अपमानावर अजिबात न रागावता अमिताभ यांनी उत्तर दिले की त्या नेटकऱ्याचा चेहरा नक्कीच पाहण्यासारखा झाला असेल.
अमिताभ बच्चन आपल्या चाहत्यांसाठी ट्विटर, फेसबुकवर विविध पोस्ट करत असतात. रविवारी त्यांनी फेसबुकवर चाहत्यांना ‘ सुप्रभात ‘ म्हणणारी एक पोस्ट लिहिली, मात्र त्यावर एका नेटकऱ्याने ‘अबे बुड्ढे, दोपहर हो गयी’ अशी कमेंट करून त्यांचा अपमान केला. एखादा असता तर त्याला शिव्यांची लाखोली वाहिली असती. किंवा त्याचा त्याच शब्दात अपमान केला असता. पण बिग बी हे बिग बी आहेत. त्यांनी आपली पातळी सोडली नाही. त्यावर अमिताभ बच्चन यांनी त्याला असे काही उत्तर दिले की त्याची नक्कीच बोलती बंद झाली असणार.
अमिताभ म्हणतात.. ‘आप चिर आयु हो, मेरी प्रार्थना, और ईश्वर करे तब आपको लज्जित करते हुवे कोई भी आपको बुड्ढा न कहे’ पुढे ते असेही म्हणतात.. ‘तुम्ही मारलेल्या टोमण्यासाठी धन्यवाद . काल रात्री उशिरापर्यंत मी काम करत होतो आणि आज सकाळी उठायला उशीर झाला , त्यामुळे सुप्रभातचा मेसेज उशिरा पोस्ट केला. तुमच्या भावना दुखावल्या असतील तर मला माफ करा’