मागील अनेक दिवसांपासून सांगली मतदारसंघात वाद चालू असून लोकसभेसाठी इच्छुक असलेले विशाल पाटील मोठ्या प्रमाणात चर्चेत आहेत. तर कोण आहेत विशाल पाटील? कसा आहे त्यांचा राजकीय प्रवास थोडक्यात जाणून घेऊया…
माजी मुख्यमंत्री वसंतदादा पाटील यांचे विशाल पाटील हे नातू आहेत. माजी खासदार प्रकाशबापू पाटील आणि महिला प्रदेश काँग्रेसच्या नेत्या शैलजा पाटील यांचे कनिष्ठ चिरंजीव, तर माजी केंद्रीय कोळसा राज्यमंत्री प्रतीक पाटील यांचे लहान बंधू आहेत. विशाल पाटील यांना राजकारणाचे बाळकडू घरातूनच मिळाले. त्यांच्या पत्नीचे नाव पूजा असून त्यांना ईहिता व अरित्रा या दोन मुली आहेत. महाराष्ट्राच्या राजकारणात विशाल पाटील यांचे दादा घराणे हे एकेकाळी महत्त्वाचे मानले जात होते. मधल्या काही काळात पाटील घराणे संघर्ष करत राहिले. तरीही माजी मुख्यमंत्री वसंतदादा यांचा राजकीय वारसा पुढे विशाल पाटील यांनी कायम ठेवला आहे. ते सध्या वसंतदादा कारखान्याचे अध्यक्ष, जिल्हा बँकेचे संचालक आणि काँग्रेसचे प्रदेश उपाध्यक्ष म्हणून कार्यरत आहेत.
विशाल पाटील यांनी सर्वप्रथम 2010 मध्ये जिल्हा मध्यवर्ती सहकारी बँकेची निवडणूक लढवली. या निवडणुकीत माजी मंत्री मदन पाटील यांच्या गटाचे प्रा.सिकंदर जमादार यांनी विशाल यांचा अवघ्या दोन मतांनी पराभव केला. विशाल यांच्या विरोधात चुलत बंधू माजी मंत्री मदन पाटील यांनी ही निवडणूक प्रतिष्ठेची केली होती. पहिल्याच निवडणुकीत पराभव झाला तरी त्यांनी न खचता राजकीय आणि सामाजिक कार्य सुरू ठेवले. जिल्ह्यातील तसेच तालुक्यातील काँग्रेस नेत्यांना पुन्हा एकत्र करून स्वतःचा गट वाढवण्याचा त्यांनी प्रयत्न केला. त्यानंतर 2015 मध्ये पुन्हा जिल्हा बँकेची निवडणूक लढवत माजी मंत्री मदन पाटील यांचा पराभव केला. 2010 मधील पराभवाचे त्यांनी उट्टे काढले. त्यानंतर जिल्हा बँकेच्या माध्यमातून कार्यकर्त्यांचे जाळे निर्माण केले. पुढे झालेली 2021 मधील जिल्हा बँकेची निवडणूक त्यांनी एकतर्फी जिंकली.
विशाल पाटील हे काँग्रेसचे नेते आहेत. मात्र 2019 च्या लोकसभा निवडणुकीत सांगलीची जागा काँग्रेस-राष्ट्रवादी आघाडीमध्ये असलेल्या स्वाभिमानी शेतकरी संघटनेला सोडण्यात आली.काँग्रेसच्या हक्काची जागा गेल्यामुळे विशाल पाटील यांना माजी खासदार राजू शेट्टी यांच्या स्वाभिमानी शेतकरी संघटनेत औपचारिक प्रवेश करून निवडणूक लढवली. भाजपचे खासदार संजयकाका पाटील आणि वंचित बहुजन आघाडीकडून गोपीचंद पडळकर यांनी ही निवडणूक लढवली होती. विशाल पाटील यांना 3 लाख 40 हजार 871 मते मिळाली. मात्र, त्यांना 1 लाख 60 हजार मतांनी पराभव स्वीकारावा लागला.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Manoj Jarange Patil : मनोज जरांगेची मोठी घोषणा ! ‘या’ दिवसापासून पुन्हा सुरु करणार आमरण उपोषण
Murlidhar Mohol : नवमतदारांनी भारताच्या विकासाचे भागीदार व्हावे : मुरलीधर मोहोळ
Salman Khan : सलमान खानच्या घरासमोर अंदाधुंद गोळीबार; CCTV फुटेज आले समोर
Maharashtra Politics : उद्धव ठाकरेंनी अंबादास दानवेंवर सोपवली ‘ही’ मोठी जबाबदारी
Accident News : पुण्याहून नाशिकला जाणाऱ्या बसचा भीषण अपघात
Salman Khan : सलमान खानच्या घराबाहेर गोळीबार!’ही’ धक्कादायक माहिती आली समोर
Loksabha : लोकसभा निवडणुकीसाठी भाजपचा जाहीरनामा प्रसिद्ध
Kati Chakrasana : कटिचक्रासन कसे करावे? काय आहेत त्याचे फायदे?
