मुंबई : मुख्यमंत्री एकनाथ शिंदे यांना जाहीर सभेतून शिवीगाळ केल्याप्रकरणी ठाकरे गटाचे नेते आणि मुंबईचे माजी महापौर दत्ता दळवी (Datta Dalvi ) यांना अटक करण्यात आली आहे. विक्रोळीतील राहत्या घरातून त्यांना अटक करण्यात आली आहे.भूषण पलांडे यांच्या तक्रारीनंतर भांडुप पोलिसांनी दत्ता दळवी यांच्या विरोधात गुन्हा दाखल केला आहे. भा.द.वी कलम 153(अ),153 (ब),153(अ)(1)सी,294, 504,505(1)(क) अंतर्गत गुन्हा दाखल करण्यात आला आहे. चला तर मग आज आपण हे दत्ता दळवी नेमके कोण आहेत? याबद्दल जाणून घेऊयात…
कोण आहेत दत्ता दळवी?
साधा शिवसैनिक ते महापौर असा दत्ता दळवी यांचा प्रवास राहिला आहे. दत्ता दळवी 2005 ते 2007 या कालावधीत मुंबईचे महापौर होते. महापौर म्हणून दत्ता दळवी यांची कारकिर्द चांगलीच गाजली होती. शिवसेनेचे धाडसी आणि आक्रमक नेते म्हणून दळवी यांची ओळख आहे. ईशान्य मुंबईमध्ये त्यांचा मोठा दबदबा आहे. शिवसेनेत विभाग क्रमांक 7 चे विभागप्रमुख म्हणून त्यांनी पद भूषविले आहे. ते शिवसेनेचे उपेनेतेही होते. 2018मध्ये शिवसेनेच्या ईशान्य मुंबईतील महिला पदाधिकाऱ्यांनी गटबाजी केल्यामुळे दळवी यांनी ईशान्य मुंबईच्या तत्कालीन विभाग क्रमांक 7 च्या विभागप्रमुखपदाचा राजीनामा उद्धव ठाकरेंकडे सुपूर्द केला होता. यानंतर ते मोठ्या प्रमाणात चर्चेत आले होते.
एप्रिल 2022मध्ये मालवण तालुक्यातील तळगाव गावडेवाडी तलावाजवळ बैल झुंजीचे अनधिकृतपणे आयोजन करण्यात आले होते. यामध्ये एका बैलाचा मृत्यू झाला. या प्रकरणात एका बैलाच्या मृत्यूस आणि अन्य बैलांच्या दुखापतीस कारणीभूत ठरल्याप्रकरणी मालवण, कुडाळ, वेंगुर्ले येथील 12 मुख्य संशयितांसह अन्य अज्ञात व्यक्तींविरोधात येथील पोलिस ठाण्यात गुन्हा दाखल करण्यात आला होता. यामध्ये दत्ता दळवी यांचाही समावेश होता. आज दत्ता दळवी यांना मुलुंड कोर्टात हजर करण्यात आले. यामध्ये कोर्टाने त्यांना 12 डिसेंबरपर्यंत न्यायालयीन कोठडी सुनावली आहे. मी कोणतीही शिवीगाळ केलेली नाही. माझ्या वक्त्याववर मी ठाम आहे अशी प्रतिक्रया दत्ता दळवी यांनी दिली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Solapur News : सोलापूर हादरलं ! पत्नी आणि मुलाची हत्या करुन शिक्षक पतीची आत्महत्या
Datta Dalvi Arrested : ठाकरे गटाचे नेते आणि माजी महापौर दत्ता दळवी यांना अटक
Maruti Navale : पुण्यातील प्रसिद्ध सिंहगड इन्स्टिट्यूटचे संस्थापक मारुती नवलेंवर गुन्हा दाखल
Cylinder Blast : चेंबूरमध्ये सिलेंडरचा भीषण स्फोट; 4-5 घरे आगीच्या भक्षस्थानी
