नवी दिल्ली : मागच्या एक महिन्यापासून भारतीय कुस्ती महासंघाचे अध्यक्ष आणि भाजपाचे खासदार बृजभूषण सिंह यांच्यावर महिला खेळाडूंनी लैंगिक शोषणाचे आरोप करून त्यांना पदावरून हटवावे, यासाठी आंदोलन केले आहे. नवी दिल्लीतील जंतर मंतर मैदानावर हे आंदोलन सुरु आहे. साक्षी मलिक (Sakshi Malik), विनेश फोगट (Vinesh Phogat) आणि बजरंग पुनिया (Bajrang Punia) यांनी सरकारविरोधात हे आंदोलन पुकारले आहे.
https://twitter.com/SakshiMalik/status/1663440317696155648
गेल्या महिनाभरापासून सुरु असलेल्या आंदोलनाची शासन नोंद घेत नसल्याने तथा बृजभूषण सिंह (Brijbhushan Singh) यांच्यावर कोणतीही कारवाई करत नसल्याने संतापून भारताचे कुस्तीपटू ऑलिम्पिकमधली (Olympics) जिंकलेली पदके गंगेत विसर्जित करणार आहेत. आज संध्याकाळी 6 वाजता हरिद्वार येथे आमची पदके गंगेत अर्पण करणार आहोत.
