नवी दिल्ली : वृत्तसंस्था – भोपाळहून दिल्लीला जाणाऱ्या वंदे भारत ट्रेनला (Vande Bharat Express) आग लागल्याची घटना समोर आली आहे. सकाळी कुरवई स्थानकाजवळील राणी कमलापती रेल्वे स्थानकावरून निजामुद्दीनला जाणाऱ्या वंदे भारत ट्रेनच्या (Vande Bharat Express) सी -14 या बोगीमध्ये बॅटरीला आग लागली. या आगीत कोणतीही जीवितहानी झाली नसून सर्व प्रवाशांना सुखरूप बाहेर काढण्यात आले आहे.
काय घडले नेमके?
राणी कमलापतीहून निजामुद्दीनला जाणाऱ्या वंदे भारत ट्रेनच्या सी-14 डब्याला आग लागली. गाडी क्रमांक 20171 भोपाळ-हजरत निजामुद्दीन वंदे भारत पहाटे 5.40 वाजता निघाली. बीना स्टेशनच्या अलीकडेच ही घटना घडली. ट्रेनमध्ये (Vande Bharat Express) प्रवास करणाऱ्या प्रवाशाने दिलेल्या माहितीनुसार, बॅटरीला ही आग लागली. आगीची माहिती मिळताच ट्रेन थांबवण्यात आली आणि सर्व प्रवाशांना सुखरूप बाहेर काढण्यात आले. अग्निशमन दलाच्या गाड्या घटनास्थळी दाखल झाल्या असून आगीवर नियंत्रण मिळवण्यात यश आले आहे. या आगीचा एक व्हिडिओ सोशल मीडियावर मोठ्या प्रमाणात व्हायरल होत आहे.
Madhya Pradesh | A fire was reported in battery box of one of the coaches in a Vande Bharat Express at Kurwai Kethora station. The fire brigade reached the site and extinguished the fire: Indian Railways
— ANI MP/CG/Rajasthan (@ANI_MP_CG_RJ) July 17, 2023
#WATCH | Madhya Pradesh | A fire was reported in battery box of one of the coaches in a Vande Bharat Express at Kurwai Kethora station. Fire brigade reached the site and extinguished the fire. All passengers are safe. No injuries reported. The fire is limited to Battery Box Only.… pic.twitter.com/E2s9ED99VH
— ANI MP/CG/Rajasthan (@ANI_MP_CG_RJ) July 17, 2023
आगीची माहिती मिळताच प्रवाशांमध्ये भीतीचं वातावरण पसरलं आहे. कोटमध्ये एकूण 36 प्रवासी होते जे सकाळी सात वाजता कुरवाई केथोरा येथे ट्रेनमधून उतरले. डब्यातील बॅटरीला आग लागल्याने हा अपघात झाला. कुरवाई केथोरा स्थानकावर वंदे भारत एक्सप्रेसच्या डब्याच्या बॅटरी बॉक्समध्ये आग लागल्याचे भारतीय रेल्वेनेकडून सांगण्यात आले आहेत. या घटनेनंतर संपूर्ण वंदे भारत ट्रेन रिकामी करण्यात आली. मध्य प्रदेशच्या राणी कमलापती स्टेशन आणि दिल्लीच्या हजरत निजामुद्दीन स्टेशन दरम्यान धावणारी ही ट्रेन मध्य प्रदेशची पहिली वंदे भारत एक्सप्रेस ट्रेन आहे.