केरळ : सर्वोच्च न्यायालयाच्या पहिल्या महिला न्यायमूर्ती आणि तामिळनाडूच्या माजी राज्यपाल फातिमा बीवी (Justice Fathima Beevi) यांचे वयाच्या 96 व्या वर्षी निधन झाले आहे. केरळमधील एका खासगी रुग्णालयात त्यांच्यावर उपचार सुरु होते. यादरम्यान त्यांनी अखेरचा श्वास घेतला. फातिमा बीवी यांनी पहिल्या महिला न्यायमूर्ती आणि तामिळनाडूच्या राज्यपाल म्हणून त्यांनी उत्कृष्ट कामगिरी केली होती.
फातिमा बीवी यांच्याबद्दल थोडक्यात माहिती
न्यायमूर्ती मीरा साहिब फातिमा बीबी यांचा जन्म केरळमधील पथनमथिट्टा या ठिकाणी झाला होता. त्यांच्या वडिलांचे नाव मीरा साहिब आणि आईचे नाव खदिजा बीबी आहे. त्यांचं शालेय शिक्षण काथिलोकेट हायस्कूल, पठाणमथिट्टा येथून झालं. त्यांनी त्रिवेंद्रमच्या युनिव्हर्सिटी कॉलेजमधून पदवी संपादन केली आणि त्रिवेंद्रमच्या लॉ कॉलेजमधून एलएलबीचं शिक्षण घेतलं होतं.14 नोव्हेंबर 1950 रोजी वकील म्हणून त्यांनी आपल्या कामाला सुरुवात केली.
1968 मध्ये त्यांची न्यायाधीश म्हणून त्यांना बढती मिळाली. 1972 मध्ये मुख्य न्यायदंडाधिकारी, 1974 मध्ये जिल्हा आणि सत्र न्यायाधीश, 1980 मध्ये प्राप्तिकर अपील न्यायाधिकरणाच्या न्यायिक सदस्य आणि 8 एप्रिल 1983 रोजी उच्च न्यायालयाच्या न्यायाधीश म्हणून त्यांची नियुक्ती झाली. 06 ऑक्टोबर 1989 रोजी त्यांची सर्वोच्च न्यायालयाच्या न्यायमूर्ती म्हणून नियुक्ती झाली. त्यानंतर 24 एप्रिल 1998 रोजी त्या निवृत्त झाल्या. देशभरातील महिलांसाठी फातिमा बीवी या नेहमीच आदर्श राहिल्या आहेत. त्यांनी आपल्या कार्यकाळात अनेक महत्त्वाच्या प्रकरणात निकाल दिले आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Deepfake Technology : गेल्या काही दिवसांपासून चर्चेत असलेले डीपफेक तंत्रज्ञान नेमके काय आहे?
IRCTC ची वेबसाईट ठप्प; तिकीट बुकिंग करताना येत आहेत अडचणी
KBC 15 : एक चुक पडली 97 लाखांना! विराटचा ‘विराट’ विक्रम थोडक्यात हुकला
Accident News : दुभाजकाला धडकून कारचा भीषण अपघात
Milk : दूध पिण्याची योग्य वेळ कोणती?
Kolhapur Accident : गोव्याहून मुंबईला येणाऱ्या ट्रॅव्हल्सचा कोल्हापुरात भीषण अपघात