कर्नाटक : कर्नाटकमध्ये विधानसभा निवडणुकीत (Karnataka Assembly Elections) काँग्रेसने (Congress) एकतर्फी विजय मिळवत भाजपला (BJP) धूळ चारली होती. यानंतर काँग्रेसमध्ये मुख्यमंत्री पदासाठी रस्सीखेच सुरु झाली. काँग्रेसचे नेते सिद्धरामय्या (Siddaramaiah) आणि काँग्रेसचे प्रदेशाध्यक्ष डी. के. शिवकुमार (D. K. Shivakumar) हे दोघेही मुख्यमंत्रिपदासाठी मोठ्या प्रमाणात चर्चेत होते. अखेर यामध्ये सिद्धरामय्या यांनी बाजी मारली आणि दुसऱ्यांदा कर्नाटकच्या मुख्यमंत्रिपदाची शपथ घेतली. तर डी. के. शिवकुमार यांनी उपमुख्यमंत्रिपदाची शपथ घेतली आहे.
या शपथविधीवेळी काँग्रेसकडून मोठ्या प्रमाणात शक्तिप्रदर्शन करण्यात आलं. काँग्रेसकडून शपथविधी सोहळ्यासाठी देशभरातल्या समविचारी पक्षांच्या नेत्यांना अमंत्रण देण्यात आलं होतं. या सोहळ्यासाठी काँग्रेस नेते राहुल गांधी, प्रियकां गांधी, राष्ट्रवादीचे नेते शरद पवार, काँग्रेसचे राष्ट्रीय अध्यक्ष मल्लिकार्जुन खर्गे, फारूख अब्दुला हे नेते उपस्थित होते.
या शपथविधी सोहळ्यासाठी काँग्रेसकडून उद्धव ठाकरे यांना देखील आमंत्रण देण्यात आलं होतं. मात्र उद्धव ठाकरे हे काही करणास्थाव या कार्यक्रमाला उपस्थित राहू शकले नाहीत. मात्र शिवसेना ठाकरे गटाच्या वतीनं अनिल देसाई आणि प्रियंका चतुर्वेदी यांनी या शपथविधीला हजेरी लावली होती.