मुंबई : आंतरराष्ट्रीय बाजारात कच्च्या तेलाच्या किंमतींमध्ये थोडी तेजी पाहायला मिळाली आहे. मंगळवारी सकाळी 6 वाजेदरम्यान WTI क्रूड 78.48 डॉलर प्रति बॅरलवर विकलं जातंय. तर ब्रेंट क्रूड 82.52 डॉलर प्रति बॅरलवर पोहोचलं आहे. देशात तेल मार्केटिंग कंपन्यांनी पेट्रोल-डिझेलचे ताजे दर लागू केले आहेत. भारतात रोज सकाळी 6 वाजता ईंधनाच्या किंमतींमध्ये सुधारणा केली जाते.
महाराष्ट्रात पेट्रोल 79 पैशांनी तर डिझेल 76 पैशांनी महागलं आहे. बिहारमध्ये पेट्रोलच्या दरात 52 पैशांनी तर डिझेलच्या दरात 48 पैशांनी वाढ झाली आहे. याशिवाय हिमाचल प्रदेश, झारखंड, पंजाब आणि तामिळनाडूमध्येही पेट्रोल आणि डिझेलच्या दरात वाढ होत आहे. मात्र दुसरीकडे गुजरातमध्ये पेट्रोल 38 पैशांनी तर डिझेल 41 पैशांनी स्वस्त झाले आहे. हरियाणामध्येही पेट्रोल आणि डिझेलच्या दरात घट झाल्याचे पाहायला मिळत आहे.
चारही महानगरांमध्ये पेट्रोल आणि डिझेलचे दर
दिल्लीत पेट्रोल 96.72 रुपये आणि डिझेल 89.76 रुपये प्रति लिटर
मुंबईत पेट्रोल 106.31 रुपये आणि डिझेल 94.27 रुपये प्रति लिटर
कोलकात्यात पेट्रोल 106.03 रुपये आणि डिझेल 92.76 रुपये प्रति लिटर
चेन्नईमध्ये पेट्रोल 102.65 रुपये आणि डिझेल 94.25 रुपये प्रति लिटर
दररोज सकाळी 6 वाजता जाहीर होतात दर
दररोज सकाळी 6 वाजता पेट्रोल आणि डिझेलचे दर बदलतात आणि नवीन दर जाहीर होतात. पेट्रोल आणि डिझेलच्या किमतीत एक्साइज ड्यूटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीच्या जवळपास दुप्पट होते.
या प्रकारे तुम्ही जाणून घेऊ शकता दर
पेट्रोल आणि डिझेलचे रोजचे दर तुम्हाला एसएमएसद्वारेही कळू शकतात. इंडियन ऑइलचे ग्राहक 9224992249 या नंबरवर RSP आणि त्यांचा शहर कोड लिहून माहिती मिळवू शकतात आणि BPCL ग्राहक RSP आणि त्यांचा शहर कोड लिहून 9223112222 या नंबरवर एसएमएस पाठवून माहिती मिळवू शकतात. त्याच वेळी, HPCL ग्राहक HPPprice आणि त्यांचा शहर कोड टाइप करून आणि 9222201122 या नंबरवर SMS पाठवून किंमत जाणून घेऊ शकतात.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
