इस्लामाबाद- पाकिस्तानमध्ये सत्ताबदल झाल्यापासून राजकारण तापले आहे. गेल्या काही दिवसांपासून पाकिस्तानमधून अनेक व्हिडिओ व्हायरल झाले आहेत, ज्यामध्ये नेत्यांमध्ये भांडण झाल्याची चर्चा रंगली आहे. ताजे प्रकरण इस्लामाबादमधील मॅरियट हॉटेलचे आहे, जेथे पीटीआयचे बंडखोर नेते नूर आलम खान, पीपीपीचे सिनेटर मुस्तफा नवाज खोखर, फैसल करीम कुंडी आणि नदीम अफझल इफ्तार पार्टीत उपस्थित असताना काहीजणांमध्ये जोरदार हाणामारी सुरु असल्याचा व्हिडिओ सोशल मीडियावर शेअर करण्यात आला आहे.
व्हिडिओमध्ये एक व्यक्ती एका वृद्ध व्यक्तीवर हल्ला करून त्यांना खाली पाडताना दिसत आहे. यानंतर अनेक लोक मदतीला धावून येतात. पण हा गोंधळ बराच काळ चालतो. मात्र, हा वाद कसा सुरू झाला आणि आधी भांडण कोणी सुरू केले, हे अद्याप स्पष्ट झालेले नाही. जिओ न्यूजचे रिपोर्टर मुर्तझा अली शाह यांनी हा व्हिडिओ आपल्या ट्विटर अकाउंटवर शेअर केला आहे.
https://twitter.com/MurtazaViews/status/1513903017103437847
हल्ल्याशिवाय, पाकिस्तानचे नवे पंतप्रधान शाहबाज शरीफ यांनाही शिवीगाळ केल्याचे आणखी एका व्हिडिओमध्ये दिसत आहे. व्हिडिओमध्ये पीटीआय नेता फहीम खान शाहबाजला आंतरराष्ट्रीय भिकारी म्हणताना दिसत आहे. ” मी आता संसदेमध्ये उभा असून मी महाल आंतरराष्ट्रीय भिकारी दाखवणार आहे. आणि हे भिकारी आहेत. समाजाला भिकारी म्हणणारे स्वतःच भिकारी आहेत ” असे फहीमने म्हटल्याचे व्हिडिओमध्ये दिसून येत आहे. फहीमने देशाच्या पंतप्रधानांसाठी असे शब्द वापरू नयेत, या विधानावर लोक फहीमवर टीका करत आहेत.
#امپورٹڈ_حکومت_نا_منظور pic.twitter.com/KcjsiMDgic
— MNA Faheem Khan (@MNAFaheemPTI) April 11, 2022
विशेष म्हणजे पाकिस्तानमध्ये इम्रान खान यांचे सरकार कोसळले असून शाहबाज शरीफ पाकिस्तानचे नवे पंतप्रधान झाले आहेत. शाहबाज हे पाकिस्तानचे माजी पंतप्रधान नवाझ शरीफ यांचे भाऊ आहेत.