नवी दिल्ली : वृत्तसंस्था – भारतीय रेल्वेचा (Train Viral Video) प्रवास हा केवळ एक प्रवास नाही तर आयुष्यभराचा अनुभव असतो. हा अनुभव आयुष्यभर आपल्यासोबत जोडला जातो. हा अनुभव कधी सुखद असतो तर कधी वाईट असतो. दिल्लीतल्या (Train Viral Video) आनंदविहारवरुन उत्तर प्रदेशमधल्या गाझीपूरला जाणाऱ्या सुहेलदेव सुपरफास्ट ट्रेनमध्ये प्रवाशांना एक वेगळाच अनुभव पाहायला मिळाला. दिल्लीतल्या आनंद विहार टर्मिनलवरुन सुहेलदेव सुपरफास्ट एक्स्प्रेस निर्धारित वेळेत उत्तरप्रदेशमधल्या गाझीपूरसाठी रवाना झाली. मात्र काही अंतर पार केल्यानंतर ट्रेनमधली वीज गेली त्यामुळे ट्रेनमधला एसीही बंद पडला.
एसी बंद झाल्याने ट्रेनमधील लहान मुलं, महिला आणि वृद्धांना त्रास जाणवू लागला. गर्मीमुळे प्रवाशांची वाईट अवस्था झाली. प्रवासी संतप्त झाले. प्रवाशांनी आपला सगळा राग ट्रेनमधल्या टीसीवर काढला. तब्बल दोन तास सुहेलदेव एक्स्प्रेस एकाच जागेवर उभी होती. त्यामुळे प्रवाशांचा संतापाचा उद्रेक झाला आणि त्यांनी टीसीला जाब विचारायला सुरुवात केली. टीसीने तांत्रिक कारणामुळे वीज गेल्याचं सांगितलं. पण संतप्त प्रवासी ऐकण्याच्या मनस्थितीत नव्हते. काही प्रवाशांनी टीसीची कॉलर पकडून त्याला थेट ट्रेनच्या टॉयलेटमध्येच बंद केलं.
VIDEO | Due to a power failure in B1 and B2 coaches, the angry passengers created a ruckus and locked the TTE in the toilet in the Suhaildev Superfast Express going from Anand Vihar Terminal to Ghazipur on Friday. Soon after the departure of the train from Anand Vihar Terminal,… pic.twitter.com/cr1pIk5KSX
— Press Trust of India (@PTI_News) August 11, 2023
या प्रकरणाची माहिती रेल्वे (Train Viral Video) पोलिसांना देण्यात आली. यानंतर पोलिसांचं एक पथक सुहेलदेव एक्स्प्रेसमध्ये दाखल झालं. पण यानंतरही प्रवाशांचा उद्वेग कायम होता. अखेर रेल्वे अधिकारी दाखल झाले आणि त्यांनी युद्ध पातळीवर तांत्रिक बिघाड दुरुस्त करण्याचे आदेश दिले. पण या सर्व गोंधळात बराच वेळ केला. या घटनेचा व्हिडिओ सोशल मीडियावर व्हायरल झाला आहे.