बंगळुरू : कर्नाटकमध्ये 10 मे रोजी मतदान पार पडले होते. यानंतर आज सकाळपासून मतमोजणीला सुरुवात झाली आहे. यामध्ये सध्या कर्नाटकच्या जनतेची काँग्रेसला पसंती मिळताना दिसत आहे. सध्याच्या कलानुसार काँग्रेसचे 114 उमेदवार आघाडीवर आहेत. तर भाजपचे 73 उमेदवार पुढे असल्याचे पाहायला मिळत आहे. या सगळ्या घडामोडींच्या पार्श्वभूमीवर भाजपची एक महत्वपूर्ण बैठक पार पडणार आहे. कर्नाटकचे मुख्यमंत्री बसवराज बोम्मई यांच्या नेतृत्वामध्ये ही बैठक पार पडणार आहे. या बैठकीदरम्यान अचानक सापाची एन्ट्री झाल्याचे पाहायला मिळाले .
#WATCH Karnataka CM Basavaraj Bommai reaches the BJP camp office in Shiggaon, a snake found in the building compound slithers away
The snake was later captured and the building compound secured pic.twitter.com/FXSqFu0Bc7
— ANI (@ANI) May 13, 2023
काय घडले नेमके?
भाजपचे (BJP) उमेदवार शिवराज सज्जन (Shivraj Sajjan) यांच्या घरात भाजपची बैठक सुरू होती. या बैठकीला भाजपचे इतरही नेते उपस्थित होते. ही बैठक सुरु असताना अचानक शिवराज सज्जन यांच्या घरात साप घुसला आणि बैठकीदरम्यान एक गोंधळ उडाला. यानंतर याची माहिती सुरक्षा रक्षकांना देण्यात आली. यानंतर सुरक्षा रक्षकांनी तातडीने सापाला बाहेर काढून सगळी परिस्थिती कंट्रोलमध्ये केली आहे.
कर्नाटक विधानसभा निवडणुकीबाबत (Karnatak Election) काँग्रेस (Congress) अलर्ट मोडवर आहे. कर्नाटक राज्याच्या राजकारणात पुन्हा रिसॉर्ट पॉलिसीचा अवलंब होणार आहे. काँग्रेसकडून सर्व आमदारांना एकाच रिसॉर्टमध्ये ठेवलं जाणार आहे. 2019 च्या निवडणुकीप्रमाणे पुन्हा रिसॉर्ट पॉलिसीची जबाबदारी डिके शिवकुमार (DK Shivkumar) यांच्याकडे देण्यात आली आहे.
