मुंबई- जागतिक योगदिनानिमित्त पंजाब नॅशनल बँक, प्रगती टावर्स, कुर्ला बांद्रा कॉम्पलेक्स येथे सकाळी झोनल मॅनेजर बी.पी.महापात्र यांच्या मार्गदर्शनाखाली मुंबई शहरातील सर्व वरिष्ठ अधिकाऱ्यांच्या उपस्थितिमध्ये योग दिवस साजरा करण्यात आला.
यावेळी बी.पी.महापात्र यांच्यासह सर्व वरिष्ठ अधिकाऱ्यांनी योग प्रात्यक्षिक व योगाचे महत्व जाणून घेतले. जीवनामध्ये योगसाधनेचे महत्व, योगामार्फत चिंतामुक्त जीवन कसे जगावे तसेच योगसाधनेद्वारे निरोगी जीवन कसे जगावे याविषयी मार्गदर्शन करण्यात आले.
यावेळी सर्व अधिकाऱ्यांना योगाचे महत्व समजावून देताना महापात्र म्हणाले की योगविद्येची सुरुवात भारतातच झाली व सर्व जगाला भारतानेच योगाचे महत्व पटवून दिले. आज जगात सर्वत्र जागतिक योग दिवस म्हणून साजरा करण्यात येतो कारण योगाचे महत्व जगाला पटलेले आहे. याविषयी जनजागृति करणे आवश्यक आहे.
भारतात सुमारे 3000 वर्षापुर्वी महर्षी पतंजली यांनी योगसूत्रांची रचना केली. योगशास्त्र या ग्रंथाची रचना केली. हठयोगाची परंपरा देखील आमच्या भारत देशातच आहे. योगसाधनाचे गुरु शिव असून प्रचारक महर्षी पतंजली आहेत असे ते म्हणाले. योग दिवसाच्या निमित्ताने त्यांनी सर्वांना योगसाधना करण्यासाठी प्रेरित केले व निरोगी जीवन जगण्यासाठी शुभेच्छा दिल्या.
