हवामान विभागाने (Weather Update) दिलेल्या इशाऱ्यानुसार पुन्हा एकदा महाराष्ट्रात पाऊस पडण्याची शक्यता आहे. दक्षिण कोकण, मध्य महाराष्ट्र, मराठवाडा आणि विदर्भातील काही जिल्ह्यांमध्ये विजांच्या कडकडाटासह वादळी पाऊस पडण्याची शक्यता हवामान खात्याकडून वर्वतवण्यात आली आहे. पावसासोबत वादळाचा देखील इशारा देण्यात आला आहे, या काळात वाऱ्याचा वेग प्रति तास 30 – 40 किमी राहू शकतो असे देखील हवामान खात्याकडून सांगण्यात आले आहे.
जरी अवकाळी पाऊस पडणार असा अंदाज वर्तवण्यात आला असला तरी हवामान विभागाकडून राज्यात कुठेही गारपिटीचा इशारा दिलेला नाही. तर दुसरीकडे महाराष्ट्रातील काही भागात आजही उष्णतेची लाट पाहायला मिळण्याची शक्यता आहे. गेल्या काही दिवसांपासून महाराष्ट्रात सतत अवकाळी पाऊस पडत आहे, काही ठिाकाणी गारपीट देखील झाली,याचा मोठा फटका हा शेतकऱ्यांना बसल्याने त्यांचे मोठे नुकसान झाले आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.