अमरावती : गाढवाचा पोळा, हे ऐकतांना नवल वाटतंय ना मात्र हो हे खरं आहे. अमरावती जिल्ह्यातील अचलपूर तालुक्यात असणाऱ्या रासेगावामध्ये गाढवांचा पोळा भरविला जातो.यादिवशी ज्याप्रमाणे बैलांचा साज शृंगार केला जातो त्याचप्रमाणे गाढवांचा सुद्धा साजशृंगार करून गाढवांना पुरणपोळीचा नैवेद्य दिला जातो.एवढंच नाही तर बैलांप्रमाणे आजच्या दिवशी या गावातील गाढवांकडून कोणतही काम करवून घेतलं जात नाही.
रासेगावातील भोई समाज बांधव व्यवसायाचा मुख्य भाग असलेल्या गाढवा प्रती कृतज्ञता व्यक्त करत त्यांचाही गाढवाचा पोळा भरवतात. ही प्रथा विदर्भात अमरावती जिल्ह्यातच पाहायला मिळते.
