छत्रपती संभाजीनगर : सर्वसामान्य नागरिकांसाठी एक मोठी बातमी समोर आली आहे. दररोज हजारो प्रवासी एसटी बसनं (ST Bus) प्रवास करतात. हा प्रवास स्वस्त आणि सुरक्षित मानला जातो.सध्या प्रवाशांच्या सोयीसाठी एसटीमध्ये (ST Bus) अनेक बदल केले जात आहेत. यामध्ये आता आणखी एका सुविधेची भर पडली आहे. ती म्हणजे आता रेल्वेप्रमाणेच घरबसल्या एसटी बसचे लोकेशनदेखील ट्रॅक करता येणार आहे. सध्या या अॅपवर काम सुरु आहे.
ST Bus Video : पहिल्याच पावसात एसटीला गळती; प्रवाशांनी बसमध्येच छत्री उघडून केला प्रवास
सर्वसामान्य प्रवाशांना एसटी महामंडळाच्या बसचे लोकेशन आता घर बसल्या ट्रॅक करता येणार आहे. त्यासाठी आवश्यक असणाऱ्या एमएसआरटीसी ॲपची सुविधा लवकरच उपलब्ध करण्यात येणार आहे. सध्या या सुविधेची चाचणी सुरू असून, यामध्ये येणाऱ्या अडचणी दूर करण्याचा प्रयत्न सुरू आहे.
Air Ambulance : समृद्धी महामार्गावर लवकरच एअर ऍम्ब्युलन्स सेवा सुरु करणार: राज्य सरकारचा मोठा निर्णय
छत्रपती संभाजीनगर विभागातून सुमारे 550 बसेस विविध मार्गावर धावतात, या सर्व बसमध्ये ही यंत्रणा बसवण्यात आली आहे. मात्र सध्या या ॲपची सेवा केवळ अधिकारी, कर्मचारी यांच्या पुरती मर्यादित ठेवण्यात आली आहे. एसटीचे (ST Bus) लोकेशन बरोबर मिळत आहे कि नाही याची सध्या चाचणी सुरु आहे. यातील काही तांत्रिक अडचणी दूर करून लवकरच ही सुविधा प्रवाशांसाठी उपलब्ध करून देण्यात येणार आहे.