मुंबई : बॉलीवूडचा (Bollywood) किंग शाहरुख खानचा (Shah Rukh Khan) मुलगा आर्यन खानला (Aryan Khan) ड्रग्स प्रकरणी (Drugs case) अटक केलेले एनसीबीचे अधिकारी समीर वानखेडे (NCB officer Sameer Wankhede) यांच्या अडचणींमध्ये मोठ्या प्रमाणात वाढ होण्याची शक्यता आहे. सीबीआयनं त्यांच्याविरोधात जी तक्रार दाखल केली त्यामधून सध्या अनेक धक्कादायक खुलासे समोर येत आहेत. आर्यन खान ड्रग्स प्रकरणी समीर वानखेडे आणि त्यांच्या टीमनं जी कारवाई केली त्यामध्ये काही नावे जाणीवपूर्वक वगळण्यात आली होती. यादरम्यान वानखेडे आणि त्यांच्या टीमनं आर्यन खानसोबत पैशांचे डील केल्याचे समोर आले होते.
यावेळी समीर वानखेडे आणि त्यांच्या टीमने शाहरुखच्या मॅनेजरकडे 25 कोटींची मागणी केली होती. तर 50 लाख रुपये हे टोकन अमाऊंट म्हणून घेतल्याचे समोर आले आहे. आता या सगळ्या प्रकरणात शाहरुखची मॅनेजर पुजा ददलानी (Pooja Dadlani) हिची साक्ष महत्वाची ठरणार आहे. त्यामुळे आता पुजा ददलानी आपल्या साक्षीमध्ये काय बोलणार यावर समीर वानखेडेवरील कारवाई अवलंबून असणार आहे.
सीबीआयनं (CBI) वानखेडे यांच्यावर खंडणी (Extortion) घेतल्याचा गुन्हा दाखल केला आहे. आज सर्वोच्च न्यायालयात या प्रकरणावर सुनावणी होणार आहे. त्यामुळे या सुनावणीकडे सगळ्यांचे लक्ष लागून राहिले आहे.