मुंबई : अजित पवार यांनी राष्ट्रवादी आपल्याबरोबर असल्याचा दावा केल्यानंतर राष्ट्रवादीचे प्रदेशाध्यक्ष (NCP President) म्हणून त्यांनी सुनील तटकरे यांची राष्ट्रवादीचे प्रदेशाध्यक्ष म्हणून नियुक्ती करण्यात आली आहे. थोड्याच वेळात अजित पवार या संदर्भात अधिकृत घोषणा करणार आहे. देवगिरीवर झालेल्या बैठकीत हा निर्णय घेण्यात आला. पक्ष पातळीवरती पदाधिकाऱ्यांची नेमणूक करण्यासाठी अजित पवारांनी सुरुवात केली आहे. उपमुख्यमंत्री अजित पवार यांची आज देवेंद्र फडणवीस यांच्याशी बैठक झाली. या बैठकीला छगन भुजबळ, प्रफुल्ल पटेल आणि सुनील तटकरे हे उपस्थित होते.
Poster : राज आणि उद्धव एकत्र येणार? शिवसेना भवनासमोर झळकले पोस्टर
पवार कुटुंबियांचे निकटवर्तीय सुनील तटकरे
पवार कुटुंबियांच्या निकवर्तीयांपैकी एक असलेले नेते म्हणजे सुनील तटकरे. सुनील तटकरे यांनी राष्ट्रवादीत संघटना पातळीवर अनेक महत्त्वाच्या जबाबदाऱ्या सांभाळल्या आहेत. . शरद पवार यांनी 1999 साली राष्ट्रवादी काँग्रेसची वेगळी चूल मांडल्यानंतर सुनील तटकरे हे त्यांच्यासोबत गेले. सुनील तटकरे यांची कन्या अदिती तटकरे या आमदार आहेत. तर पुत्र अनिकेत तटकरे देखील राजकरणात सक्रिय आहेत. तटकरे शरद पवारांच्या अत्यंत जवळचे मानले जातात.