मुंबई : मुंडे भावा- बहिणींचा (Pankaja Munde) वाद संपूर्ण महाराष्ट्राला माहित आहे. ते एकमेकांवर टीका करण्याची एकपण संधी सोडत नाहीत. मात्र मागच्या काही वर्षांपासून दोघांनी वेगळी भूमिका घेतल्याचे पाहायला मिळत आहे. सध्या महाराष्टाच्या राजकारणात मोठी उलथापालथ झाल्याचे दिसत आहे. यादरम्यान आता धनंजय मुंडे आणि पंकजा मुंडे (Pankaja Munde) यांचा एक भावनिक व्हिडिओ समोर आला आहे. यामध्ये आपल्या भावाला मंत्रिपद मिळाल्यामुळे पंकजा मुंडे आपला भाऊ धनंजय मुंडे यांचे औक्षण करताना दिसत आहे. सध्या हा व्हिडिओ सोशल मीडियावर व्हायरल होताना दिसत आहे.
राज्याच्या मंत्री पदी नियुक्ती नंतर माझ्या भगिनी तथा भाजपच्या राष्ट्रीय सचिव @Pankajamunde ताईने माझे औक्षण केले व शुभेच्छा दिल्या. भाजपची राष्ट्रीय सचिव म्हणून मीही ताईचे पुष्पगुच्छ देऊन स्वागत केले. आनंदाचा डोह असो किंवा दुःखाचा सागर, बहीण-भावाचे नाते कायमच अबाधित आहे. pic.twitter.com/4WY9t6dBCK
— Dhananjay Munde (@dhananjay_munde) July 7, 2023
Neelam Gorhe : ठाकरे गटाच्या उपनेत्या नीलम गोऱ्हे शिवसेनेच्या वाटेवर?
राज्याच्या मंत्रिपदी नियुक्तीनंतर पंकजा मुंडे (Pankaja Munde) यांनी धनंजय मुंडे यांचं औक्षण केलं. यासोबत त्यांना शुभेच्छाही दिल्या. याचा व्हिडीओ धनंजय मुंडे यांनी ट्विट केला आहे. या व्हिडीओसोबत त्यांनी कॅप्शनही दिलं आहे. त्यातील शेवटचं वाक्य फार महत्त्वाचं आहे. धनंजय मुंडे म्हणाले की, राज्याच्या मंत्रिपदी नियुक्ती नंतर माझ्या भगिनी तथा भाजपच्या राष्ट्रीय सचिव ताईने माझं औक्षण केलं आणि शुभेच्छा दिल्या. भाजपची राष्ट्रीय सचिव म्हणून मीही ताईचे पुष्पगुच्छ देऊन स्वागत केलं. आनंदाचा डोह असो किंवा दुःखाचा सागर, बहीण-भावाचे नाते कायमच अबाधित आहे.
