आषाढ महिन्यामध्ये शुक्ल पक्षामध्ये येणारी एकादशी म्हणजेच ‘आषाढी एकादशी’चे महाराष्ट्रात खूप महत्त्व आहे.आषाढी एकादशीलाच देवशयनी एकादशी,देवपोधी एकादशी,महाएकादशी,हरिशयनी एकादशी या नावाने देखील ओळखले जाते.आषाढी एकादशीच्या दिवशी श्री नारायणाची उपासना केली जाते. 2022 वर्षात आषाढी एकादशी 10 जुलैला साजरी केली जाणार आहे.पंचांगानुसार आषाढी एकादशी ही 9 जुलैला सायंकाळी 4 वाजून 39 मिनिटांनी सुरू होणार असून,10 जुलैला दुपारी 2 वाजून 13 मिनिटांनी समाप्त होणार आहे.मान्यतेनुसार आषाढी एकादशी नंतर चार महिने श्री नारायण योगनिद्रेमध्ये जातात. श्री नारायण विश्वाचे पालन करता आहेत.हिंदू मान्यतेनुसार आषाढी एकादशीच्या दिवशी श्री विष्णूची उपासना केल्याने नक्कीच मनोकामना पूर्ण होते.आषाढी एकादशीच्या दिवशी सकाळी लवकर उठून स्वच्छ धुतलेले कपडे परिधान करावेत. त्यानंतर घरातील देवांची पूजा करावी.या दिवशी घरात मध्ये श्री विष्णूची प्रतिमा किंवा बाळकृष्णाला पिवळ्या रंगाचे वस्त्र नेसावेत,पिवळ्या रंगाचे फुल अर्पण करून गंधाक्षर वाहावे. श्रीविष्णूला पिवळा रंग प्रिय आहे.त्यानंतर गोडाचा नैवेद्य दाखवून आपल्या इच्छेप्रमाणे अन्नदान (उपवासाचे पदार्थ) करावे. महाराष्ट्रामध्ये आषाढी एकादशी भाविक मोठ्या श्रद्धेने साजरी करतात. वारकरी संप्रदाय आषाढी एकादशीच्या दिवशी श्री क्षेत्र पंढरपूर येथे आपल्या विठुरायाचे दर्शन घेऊन तृप्त होतात.
