मुंबई : मान्सूनबद्दल हवामान खात्याने धडकी भरवणारा (Monsoon Update) अंदाज वर्तवला आहे. हवामान विभागानं दिलेल्या माहितीनुसार मान्सून पुण्यात धडकला आहे. मान्सूनच्या वाटचालीसाठी अनुकूल वातावरण निर्माण झालं असून, नैऋत्य मोसमी वारे वेगानं पुढे सरकताना दिसत आहेत. मान्सूनने महाराष्ट्रातील पुणे, धाराशिव, लातूर, नांदेड हे जिल्हे व्यापले असून पुढील एक ते दोन दिवसांत मान्सून उर्वरीत महाराष्ट्र आणि मुंबई व्यापेल असे हवामान विभागाकडून सांगण्यात आले आहे.
गेल्या गुरुवारी मान्सूनचं महाराष्ट्रात आगमण झालं. सिंधुदुर्ग, रत्नागिरी, कोल्हापूर, सांगली, सोलापूर जिल्ह्यांत धडकल्यानंतर आता मान्सून मराठवाड्यातील काही भागांमध्ये दाखल झाला आहे, अशी माहिती हवामान विभागाकडून देण्यात आली आहे. त्यामुळे पुढील दोन दिवस महाराष्ट्रातील अनेक भागांमध्ये मुसळधार ते अतिमुसळधार पावसाचा इशारा हवामान विभागाकडून देण्यात आला आहे. राज्यातील अनेक जिल्ह्यांमध्ये रेड अलर्ट जारी करण्यात आला आहे.
हवामान विभागाकडून पुढील 48 तासांमध्ये मध्य महाराष्ट्र, कोल्हापुरातील घाट भाग आणि सातारा जिल्ह्यामध्ये पावसाचा रेड अलर्ट जारी करण्यात आला आहे. या भागामध्ये अतिमुसळधार पावसाचा इशारा देण्यात आला आहे. तर दुसरीकडे उर्वरीत महाराष्ट्रात पावसाचा ऑरेंज अलर्ट देण्यात आला असून, विदर्भ आणि मराठवाड्यात विजांच्या कडकडाटासह पावसाचा अंदाज वर्तवण्यात आला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.