मुंबई : मुख्यमंत्री शिंदेंच्या जाहिरातीने सगळ्यांच्या भुवया उंचावल्या आहेत. ज्यावेळी राज्यात फडणवीस सरकार होते. त्यावेळी देशात नरेंद्र, महाराष्ट्रात देवेंद्र अशी घोषणा केली होती. मात्र मागच्या काही दिवसांपासून भाजपा आणि शिवसेनेत सुरु असलेल्या वादाच्या पार्श्वभूमीवर शिवसेनेकडून (shivsena) वृत्तपत्रांमध्ये जाहिरातबाजी करण्यात आली आहे.
सगळ्या वृत्तपत्राच्या पहिल्या पानावर ही जाहिरातबाजी करण्यात आली आहे. या जाहिरातीची सध्या राजकीय वर्तुळात मोठ्या प्रमाणात चर्चा सुरु आहे. या जाहीरातीमध्ये मुख्यमंत्री पदासाठी शिंदेंना (Eknath Shinde) सर्वाधिक पसंती देण्यात आली असल्याचा दावा करण्यात आला आहे. ‘मुख्यमंत्री पदासाठी शिंदेंना 26.1%पसंती’ देण्यात आली आहे तर फडणवीसांना (Devendra Fadanvis) 23.2% पसंतीचा दावा करण्यात आला आहे.
तसेच राज्यातील 49.3% जनतेनं शिंदे-फडणवीस सरकारला पसंती दर्शवली आहे. मतदानासाठी भाजपला 30.2%, शिवसेनेला 16.2% जनतेनं कौल दिल्याचे सांगण्यात आले आहे. तसेच भाजप-शिवसेना (BJP-Shivsena) युतीला पुन्हा सत्तेवर आण्यासाठी 46.4% जनता इच्छुक असल्याचे या जाहिरातीतून सांगण्यात आले आहे. आता या जाहिरातीवर उपमुख्यमंत्री देवेंद्र फडणवीस काय प्रतिक्रिया देतात हे पाहणे महत्वाचे ठरणार आहे.