मुंबई : मराठा आरक्षणाच्या मागणीसाठी मुंबईकडे निघालेला मनोज जरांगे पाटील (Manoj Jarange Patil Protest) यांचा मोर्चा पुण्यात पोहचला आहे. या मोर्चात दिवसेंदिवस लाखो मराठा बांधव सहभागी होताना दिसत आहेत. अशा परिस्थितीत मुंबई हायकोर्टाने मनोज जरांगे पाटील यांना नोटीस बजावली आहे. मराठा आंदोलकांना मुंबईत येण्याची परवानगी देऊ नये, अशी मागणी करणारी याचिका वकील गुणरत्न सदावर्ते यांनी हायकोर्टात दाखल केली होती. या याचिकेवर आज (बुधवारी) दुपारी हायकोर्टात तातडीची सुनावणी झाली. यावेळी हायकोर्टाने मनोज जरांगे पाटील यांना नोटीस बजावली आहे.
याचिकाकर्त्यानी नेमकी काय केली मागणी?
मनोज जरांगे पाटील आणि त्यांच्या समर्थकांना मुंबईत आंदोलनाची परवानगी देऊ नये. जरांगे पाटील ज्या मार्गानं मुंबईकडे निघालेत ती ती शहरं त्यावेळी बंद करावा लागली आहेत. आज पुण्यात लोकांना या आंदोलनाचा फार त्रास सहन करावा लागला. शाळा, कॉलेजं, दुकानं बंद करावी लागली आहेत. काही तासांत जरांगे पाटील आपल्या ताफ्यासह ठाण्यात पोहचतील. हजारो बैलगाड्या, ट्रैक्टर शहरात आली तर ट्रॅफिकची काय अवस्था होईल? या आंदोलनाविरोधात आवाज उठवणाऱ्यांना धमकावलं जात आहे. हिसंक विरोध केला जात आहे. पण प्रशासन हे सारं उघड्या डोळ्यांनी पाहतंय. कोणतीही ठोस कारवाई केली जात नाही, अया युक्तीवाद गुणरत्न सदावर्ते यांनी हायकोर्टात केला आहे.
जरांगे पाटील यांच्या आंदोलनाविरोधात पावलं उचलू : सरकार
सरकारतर्फे राज्याच्या महाधिवक्त यांनी बाजू मांडली. ते म्हणाले, की आमच्याकडे अद्याप मनोज जरांगे पाटील किंवा त्यांच्या कुणाकडूनही आंदोलनाची परवानगी मागणारं पत्र आलेलं नाही. हजारो लोकं मुंबईच्या दिशेनं येत आहेत, हे खरं आहे. राज्यात प्रत्येकाला आंदोलन करण्याची परवानगी आहे. पण त्यांना कुठल्याही प्रकारची परवानगी दिलेली नाही. कायदा आणि सुव्यवस्था राखणं ही राज्य सरकारची जबाबदारी आहे. त्यासाठी आम्ही योग्य ती सर्व पावलं उचलायला तयार आहोत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Fighter Movie : रिलीज आधीच फायटर सिनेमाला बसला ‘हा’ मोठा धक्का
Maratha Reservation : ‘ट्रॅप रचणाऱ्यांबाबत गौप्यस्फोट करणार’ जरांगें पाटलांनी केली मोठी घोषणा
Maratha Reservation : मुंबई-पुणे द्रुतगती महामार्गावरील मुंबईच्या दिशेची वाहतूक गुरुवारी राहणार बंद
Maratha Reservation : मनोज जरांगेंच्या पुणे शहरातील मोर्च्याचा कशाप्रकारे असणार मार्ग
Accident In Nagar-Kalyan Highway : नगर-कल्याण हायवेवर भीषण अपघात; 6 जणांचा मृत्यू
Pune News : FTII मधील बॅनरचा वाद पोलिसांत; 7 जणांविरोधात गुन्हा दाखल