मुंबई : राज्याच्या कोकण किनारपट्टीपासून मध्य आणि उत्तर महाराष्ट्रापर्यंत उन्हाचा तडाखा दिवसागणिक (Maharashtra Weather Update) वाढताना दिसत आहे. फक्त सकाळी आणि दुपारीच नव्हे, तर आता सायंकाळीसुद्धा उष्ण वारे जीवाची काहिली करत आहेत. हवामानाची ही स्थिती पुढील काही दिवस किंबहुना पुढील एका महिन्यासाठी तरी कायम राहणार आहे.
राज्यात मेघगर्जनेसह पावसाची शक्यता
विदर्भाच्या पूर्व भागापासून कर्नाटकापर्यंत कमी दाबाचा पट्टा सक्रीय असल्यामुळं राज्यात ढगाळ वातावरणाची निर्मितीही होताना दिसत आहेत. त्यातच हवामान विभागाच्या मुंबई शाखेनं वर्तवलेल्या अंदाजानुसार विदर्भात तुरळक ठिकाणी पाऊस किंवा मेघगर्जनेसह पाऊस पडण्याची शक्यता आहे. पुढच्या 24 तासांत राज्याच्या उर्वरित भागांमध्ये मात्र हवामान कोरड राहण्याची शक्यता आहे.
विदर्भात तुरळक ठिकाणी पाऊस किंवा मेघगर्जनेसह पाऊस पडण्याची शक्यता आहे. पुढील २४ तासांत राज्यातील उर्वरित भागात हवामान कोरडे राहण्याची शक्यता आहे.
तपशीलवार जिल्हानिहाय हवामान अंदाज व चेतावणीसाठी कृपया https://t.co/jw7yrf8Es5… भेट द्यI pic.twitter.com/RKH4Qg9YPu— Regional Meteorological Center,Mumbai (@RMC_Mumbai) March 26, 2024
फक्त महाराष्ट्रच नव्हे, तर देशाच्या उत्तर आणि पूर्वेकडील काही राज्यांमध्येसुद्धा पावसाचा अंदाज वर्तवण्यात आला आहे. देशात सक्रिय असणाऱ्या पश्चिमी झंझावातामुळं हवामानाची ही प्रणाली पाहायला मिळत आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Loksabha Election : ठाकरे गटाची पहिली यादी जाहीर! 16 शिलेदारांच्या नावाची केली घोषणा
