मुंबई : काल महाराष्ट्राच्या राजकारणात मोठी उलथापालथ पाहायला मिळाली. अजित पवार (Ajit Pawar) यांनी काही आमदारांसह बंड केल्याने राष्ट्रवादीमध्ये मोठी फूट पडली. काल पार पडलेल्या शपथविधीमध्ये अजित पवार (Ajit Pawar) यांच्यासोबत छगन भुजबळ, दिलीप वळसे पाटील, धनंजय मुंडे, हसन मुश्रीफ, धर्मराव अत्राम, आदिती तटकरे, संजय बनसोडे आणि अनिल भाईदास पाटील यांनीदेखील मंत्री पदाची शपथ घेतली आहे. या शपथविधीनंतर पत्रकार परिषद घेऊन राष्ट्रवादीच्या सर्व आमदारांचा आम्हाला पाठिंबा आहे, असा दावा अजित पवारांनी केला आहे. एवढच नाही तर अजित पवारांनी पुढच्या निवडणुका भाजप-शिवसेनेसोबत राष्ट्रवादीच्या घड्याळ चिन्हावर लढू हेदेखील अजित पवारांनी स्पष्ट केलं आहे.
#शरद_पवार
बस नाम ही काफी हैं… pic.twitter.com/6PVhCmpc7C— Rohit Pawar (@RRPSpeaks) July 2, 2023
एकीकडे हे सगळे सुरु असताना दुसरीकडे सात आमदारांनी आपण शरद पवार यांच्यासोबत असल्याची भूमिका स्पष्ट केली आहे. या आमदारांनी सोशल मीडियाच्या माध्यमातून त्यांची भूमिका मांडली. राष्ट्रवादी काँग्रेसचे विधानसभेमध्ये एकूण 53 आमदार आहेत. प्रदेशाध्यक्ष जयंत पाटील, जितेंद्र आव्हाड, रोहित पवार, अनिल देशमुख, संदीप क्षीरसागर, प्राजक्त तनपुरे आणि बाळासाहेब पाटील यांनी आतापर्यंत शरद पवार यांना पाठिंबा दर्शवला आहे.
Maharashta Politics : ‘या’ 6 काका-पुतण्यांच्या जोड्या ज्यांनी दिलं महाराष्टाच्या राजकारणाला नवे वळण
Praful Patel : प्रफुल पटेलांची केंद्रीय मंत्रिमंडळात वर्णी ?
या 7 आमदारांपैकी 6 जणांनी सोशल मीडियाच्या माध्यमातून शरद पवारांसोबत असल्याचं स्पष्ट केलं. तर बाळासाहेब पाटील यांनी मीडियासमोर येऊन शरद पवारांसोबत असल्याचे जाहीर केले होते. अजित पवारांच्या शपथविधीनंतर शरद पवारांनी पत्रकार परिषद घेतली, तेव्हा रोहित पवार हे शरद पवारांच्या बाजूला होते.