मुंबई : राष्ट्रवादीचे नेते एकनाथ खडसे यांचे जावई गिरीश चौधरी यांना (Girish Chaudhary Bail) अखेर सुप्रीम कोर्टाकडून जामीन मंजूर करण्यात आला आहे. त्यांना (Girish Chaudhary Bail) मनी लॉनड्रिंगच्या गुन्हयात ईडीकडून अटक करण्यात आली होती. पुणे एमआयडीसी भूखंड घोटाळाप्रकरणी गिरीश चौधरी हे दीड वर्षांपासून ईडीच्या ताब्यात होते.
Jalgaon News : खडसे-गुलाबराव पाटील यांच्यातील ‘तो’ वाद 4 वर्षानंतर अखेर मिटला; काय आहे नेमके प्रकरण?
काय होते प्रकरण?
हे प्रकरण 2016 मधील आहे. एकनाथ खडसे यांच्या पत्नी मंदा खडसे, जावई गिरीश चौधरी (Girish Chaudhary Bail) यांच्या नावाने भोसरी येथे एमआयडीसीमध्ये जागा खरेदी केल्याचा आरोप होता. खडसेंनी मंत्रीपदाचा गैरवापर करून कमी किंमतीत ही जागा खरेदी केल्याचा आरोप त्यांच्यावर करण्यात आला होता. या प्रकरणाची चौकशी करण्यासाठी झोटिंग समिती नेमण्यात आली होती.
फडणवीस सरकारमध्ये एकनाथ खडसे महसूल मंत्री असताना त्यांनी पुण्यातील भोसरी येथे 3.1 एकर एमआयडीसी प्लॉट खरेदी करण्यासाठी आपल्या पदाचा गैरवापर केला होता. 31 कोटी रुपयांची किंमत असलेल्या या भूखंडाची निव्वळ 3.7 कोटी रुपयांना विक्री झाल्याचा दावा करण्यात आला होता. सदर भूखंड हा अब्बास उकानी यांच्या मालकीचा होता. त्यांच्याकडून एमआयडीसीने 1971 मध्ये तो अधिग्रहण केला होता. या सगळ्या आरोपांमुळे एकनाथ खडसे यांना आपल्या पदाचा राजीनामा द्यावा लागला होता.
