मुंबई : दूध उत्पादक शेतकऱ्यांसाठी (Milk Dairy) एक दिलासा देणारी बातमी समोर आली आहे. राज्यातील शेतकऱ्यांच्या दुधाला आता 34 रुपये दर द्यावाच लागणार आहे. जी दूध डेअरी (Milk Dairy) गायीच्या दुधाला 34 रुपयांपेक्षा कमी दर देईल त्या दूध डेअरीवर आता कारवाई करण्यात येणार आहे. राज्य सरकारनं शेतकऱ्यांच्या दूधाचा दर निश्चिच करण्यासाठी दूध दर निश्चिती समितीची स्थापना केली होती. या समितीकडून अहवाल सादर करण्यात आला आहे. या अहवालामुळे शेतकऱ्यांना मोठा दिलासा मिळणार आहे.
काय लिहिले आहे अहवालामध्ये?
राज्य सरकारनं शेतकऱ्यांच्या दूधाचा दर (Milk Dairy) निश्चिच करण्यासाठी दूध निश्चिती समितीची स्थापना केली होती. या समितीनं आपला अहवाल सादर केला आहे. या अहवालानुसार राज्यातील शेतकऱ्यांच्या दुधाला आता कमीत कमी 34 रुपये दर द्यावाच लागणार आहे. गायीच्या दुधाला किमान 34 रुपये दर द्यावा लागणार आहे. त्यापेक्षा कमी दर देणाऱ्या दूध डेअऱ्यांवर कारवाई करण्यात येणार आहे. या निर्णयामुळे शेतकऱ्यांना फायदा होण्याची शक्यता आहे.