कोट्यवधी नोकरदारांच्या पगाराचा काही भाग कर्मचारी भविष्य निर्वाह निधी संस्थेत म्हणजेच त्यांच्या PF खात्यात (EPFO Interest) जमा केला जातो. ईपीएफओ या ठेवीवर निश्चित व्याज (EPFO Interest) देते. 2022-23 या आर्थिक वर्षासाठी सरकारने 8.15 टक्के व्याजदर निश्चित केला आहे. त्यामुळे 2022-23 या आर्थिक वर्षात व्याजाचे पैसे कधी मिळणार, असा प्रश्न ग्राहकांच्या मनात निर्माण झाला आहे. त्याबाबत आता EPFO ने मोठी अपडेट दिली आहे.
कधी मिळणार व्याजाचे पैसे?
बहुतांश खातेधारकांना आर्थिक वर्ष 2022 साठी व्याजदराचे पैसे मिळाले आहेत, तर काहींना त्यांच्या खात्यात पैसे मिळण्यासाठी अजून थोडा वेळ लागणार आहे असे EPFO ने आपल्या अधिकृत ट्विटर हँडलवरून जाहीर केले आहे. EPFO ने सर्व सदस्यांना सांगितले की, मागील 3 वर्षांची थकबाकी व्याजाची रक्कम लवकरच ग्राहकांच्या खात्यात जमा केली जाईल.
तुमची EPFO शिल्लक रक्कम (EPFO Interest) कशी तपासायची
पीएफ शिल्लक तपासण्यासाठी प्रथम उमंग अ‍ॅप डाउनलोड करा.
यानंतर तुमचा मोबाईल नंबर टाकून स्वतःची नोंदणी करा.
यानंतर EPFO च्या पर्यायावर क्लिक करा.
यानंतर View Passbook वर क्लिक करा.
पुढे तुम्ही तुमचा UAN टाका आणि नंतर Get OTP वर क्लिक करा.
यानंतर, तुम्हाला काही मिनिटांत EPF पासबुक आणि शिल्लक माहिती मिळेल.
