पुणे: आर्थिकदृष्ट्या सक्षम असलेल्या श्री शारदा सहकारी बँकेचे कॉसमॉस को-ऑपरेटिव्ह बँकेत विलीनीकरण, एकत्रीकरणाच्या प्रस्तावाला रिझर्व्ह बँक ऑफ इंडियाने शनिवारी (दि.29) मंजुरी दिली.
शारदा बँकेच्या संचालक मंडळाच्या 27 ऑगस्ट 2021 च्या मासिक बैठकीत कॉसमॉस बँकेत विलीनीकरणाच्या शिफारसीचा ठराव मंजूर करण्यात आला होता. तसेच बँकेची 44 वी वार्षिक सर्वसाधारण सभा 29 सप्टेंबर 2021 रोजी झाली आणि त्यामध्येही शारदा बँकेचे कॉसमॉस बँकेत विलीनीकरणाचा ठराव मंजूर करण्यात आला होता. तसेच कॉसमॉस बँकेच्या वार्षिक सर्वसाधारण सभेतही श्री शारदा सहकारी बँक कॉसमॉसमध्ये विलीनीकरण करण्याचा प्रस्ताव मंजूर करण्यात आला होता. कॉसमॉस बँकेने शारदा बँकेंची आर्थिक तपासणीही केली होती. त्यानंतर कॉसमॉस व शारदा बँकेने मिळून एकत्रितरीत्या रिझर्व्ह बँक ऑफ इंडियाकडे विलीनीकरणाचा संयुक्त प्रस्ताव सादर केला होता.
