तुमचे सौंदर्य वाढवण्यात केसांची महत्वाची भुमिका असते. पण उन्हाळ्यात धूळ, घाम आणि कडक उन इत्यादींमुळे केस खराब होतात आणि त्यांची शाईन निघून जाते. यानंतर तुम्ही ती परत आणण्यासाठी सलूनमध्ये जाऊन हेअर स्पा किंवा केराटीन ट्रीटमेंट करता. यामध्ये तुमचे पैसे खर्च होतात. तर आज आम्ही तुम्हाला केसांना रेशमी आणि चमकदार बनवण्यासाठी कॉफी पावडर हेअर पॅकबद्दल सांगणार आहे. जो तुमच्या केसांसाठी खूप फायदेशीर ठरेल. हा हेअर पॅक तुमचे केस रेशमी आणि चमकदार तर बनवतोच, पण कोंडा आणि अवेळी पांढऱ्या केसांपासून देखील मुक्त होण्यास मदत करतो.
कॉफी पावडर हेअर पॅक कसा बनवायचा?
दोन चमचा एरंडेल तेल (Castor oil) आणि एक चमचा कॉफी पावडर या दोन गोष्टींचा वापर करून तुम्ही हा हेअर पॅक बनवू शकता. त्यासाठी सर्वप्रथम एका वाडग्यात एक चमचा कॉफी पावडर आणि 2 चमचे एरंडेल तेल घ्या. यानंतर या दोन्ही गोष्टी नीट मिसळून घ्या. झाला तुमचा हेअर पॅक.
कॉफी पावडर हेअर पॅक कसा वापराल?
कॉफी पावडर हेअर पॅक (Coffee Powder Hair Pack) केसांना लावण्यापूर्वी केस ओले करा. त्यानंतर तयार केलेला पॅक केसांना लावून घ्या. अर्धा तास हा हेअर पॅक केसांवर तसाच राहू द्या. त्यानंतर तुम्ही शॅम्पूच्या मदतीने केस (Hair) धुवा. हा हेअर पॅक आठवड्यातून 2 ते 3 वेळा वापर म्हणजे तुमचे केस रेशमी आणि चमकदार बनतील. हा हेअर पॅक घरच्या घरी बनवल्यामुळे तुमचा वेळ पैसा दोन्ही वाचणार आहेत.
