असे म्हणतात की, आपला चेहरा ही आपली ओळख असतो. आणि या चेहऱ्यावर जर आत्मविश्वास असेल तर कुठलेही काम अगदी सोपे होऊ शकते. असा तुमचा चेहरा जर अजून चमकदार बनवायचा असेल तर तुम्ही लेझर फेशियल ट्रिटमेंटचा उपयोग नक्की करू शकता.चला तर जाणून घेऊया लेझर फेशियल म्हणजे नेमकं काय.
सध्याच्या धावत्या युगात स्वतःकडे वेळ द्यायला ‘वेळ’ मिळत नाही. बाहेरच्या धूळ ,माती आणि प्रदूषणाचा परिणाम हा चेहऱ्यावर होतो व चेहऱ्याच्या अनेक समस्यांचा सामना करावा लागतो. यासाठी आपण पार्लर मध्ये जातो. पण त्याचा परिणाम जास्त काळ टिकत नाही.त्यासाठी आता ट्रेण्डमध्ये असलेली लेझर फेशियलचा उपयोग जास्त प्रमाणात होत आहे.लेझर फेशियल हे बाकी फेशियल (ट्रीटमेंट) च्या तुलनेत दिर्घ काळ टिकून राहते.आजकाल सेलेब्रिटी पासून महिला व पुरुषही सर्रास हे फेशियल करताना दिसत आहेत. हे फेशियल साधारणतः 15 मिनिटांचे असते. हे dermatologist किंवा प्लॅस्टिक सर्जन यांच्याकडून करून घेणे आवश्यक आहे. हे फेशियल केल्यानंतर लालसर चट्टे चेहऱ्यावर येऊ शकतात पण त्यामध्ये घाबरण्याचे काही कारण नाही.काही काळानंतर हे चट्टे नाहीसे होतात.या फेशियलचा उपयोग कोणीही घेऊ शकतात पण ज्या लोकांचा स्किन टोन डार्क असतो त्यांनी मात्र हे फेशियल टाळावे.
असे करतात लेझर फेशियल
सर्वप्रथम चेहरा मीठच्या पाण्याने धुतला जातो व त्यावर बर्फाचे खडे ठेवले जातात. त्यामुळे चेहऱ्यावरील स्किन पोर्स ओपन होतात.चेहऱ्याचे तापमान सामान्य ठेवण्यासाठी त्यावर जेल लावण्यात येत .त्यानंतर चेहऱ्यावर कमी वेळासाठी लेझर शॉर्टस दिले जातात.त्यामुळे ट्रिटमेंट दरम्यान त्रास कमी होतो.
हे फेशियल केल्यानंतर घ्यायची काळजी
-या फेशियल नंतर त्वचा नाजूक झालेली असते त्यामुळे उन्हात जाणे टाळा,कारण सूर्याच्या किरणांपासून चेहऱ्याचा बचाव होऊ शकतो.
-त्वचेवर मॉइश्चरायझर लावावे त्यामुळे त्वचेचा कोरडेपणा दूर होईल.
-शक्यतो काही तास घरात थांबावे.
-लेझर फेशियल साठी साधारण 10 हजार पासून लाख रुपयांपर्यंत खर्च येऊ शकतो.