मुंबई : लहानपणी संध्याकाळ झाली आणि पक्ष्यांचा थवा आकाशात उडताना दिसला की एक आख्यायिका होती पक्षांची शाळा सुटली आणि पक्षी आपल्या घरी परतत आहेत. पक्षी हा लहानपणी सगळ्यांचा आवडता विषय असतो. लहानपणी चिउ काऊच्या गोष्टी ऐकून आपण मोठे झालो आहोत पण तुम्ही कधी विचार केलाय का की हे पक्षी नेहमी इंग्रजीच्या v आकारात का उडतात. जाणून घेऊयात…
हे पक्षी नेमके असे का उडतात ? या मुद्द्यावर आता पर्यंत अनके संशोधनं झाली असून तज्ञांनी आपआपली मते ही मांडली आहेत.आपल्या आजूबाजूला असणाऱ्या प्रत्येक गोष्टीमागे वैज्ञानिक कारण आहे अगदी पक्ष्यांचा उडण्याच्या आकारामागेही. आकारात उडण्यामुळं या क्रियेत सहजता प्राप्त होते. शिवाय असं केल्यामुळं ते एकमेकांवर आदळतही नाहीत. असे म्हणतात की पक्ष्यांचा थव्यामध्ये एक प्रमुख पक्षी असतो जो उडताना संपूर्ण थव्याला योग्य मार्ग दाखवत असतो.
पक्षी जेव्हा जेव्हा थव्याने उडतात तेव्हा तेव्हा प्रमुख पक्षी थव्याच्या सर्वात पुढे असतो तर इतर पक्षी त्याच्या मागे एका विशिष्ट रचनेत उडतात. थोडक्यात ज्याप्रमाणे एखादा गटप्रमुख त्याच्या गटाला मार्गदर्शन करतो अगदी तसंच पक्षी जेव्हा थव्यातून उडतात तेव्हा त्यांना हवा कापण्यास मदत होते शिवाय सोबत उडणाऱ्या पक्षांसाठी ही प्रक्रिया सोपी असते असं केल्यामुळे त्यांची ताकद व्यर्थ जात नाही असं निरीक्षण संशोधनातून समोर आले आहे. इवल्याश्या पक्ष्यांचा आयुष्यातील सर्वात महत्त्वाची प्रक्रिया नेमकी किती कमाल आहे हे लंडन विद्यापीठाच्या रॉयल वेटरनरी कॉलेजच्या संशोधनातूनही सिद्ध झाले आहे.
