नवी दिल्ली : मोफत आधार कार्ड अपडेट करण्याचा आज शेवटचा दिवस आहे. त्यामुळे जर तुम्ही आज आधार कार्ड अपडेट केले नाही तर तुम्हाला उद्यापासून अपडेट करण्यासाठी पैसे मोजावे लागणार आहे. आधार कार्ड हे ऑनलाईन आणि ऑफलाईन अशा दोन्ही पद्धतीने अपडेट करता येणार आहे. ऑनलाईन अपडेटसाठी आपण घरबसल्या करु शकतो. तर ऑफलाईन अपडेटसाठी ई-सेवा केंद्रात जावे लागते.
ऑफलाइन अपडेटसाठी आपल्याला आताही पैसे भरावे लागतात. फक्त ऑनलाइन आधार अपडेट मोफत ठेवण्यात आले होते. आज त्याचा शेवटचा दिवस आहे. त्यामुळे उद्यापासून आता लोकांना अपडेटसाठी पैसे मोजावे लागणार आहेत. त्यामुळे जर तुम्ही 14 जून नंतर तुमचे आधार अपडेट केले तर तुम्हाला 50 रुपये अनिवार्य शुल्क भरावे लागेल. 15 मार्च ते 14 जून या कालावधीत UIDAI द्वारे ऑनलाइन आधार अपडेट मोफत ठेवण्यात आले होते.
आधार ऑनलाइन कसे अपडेट कराल?
1) सर्वात आधी आधारच्या अधिकृत वेबसाइट https://uidai.gov.in/ वर जा.
2) त्यानंतर वर myAadhaar हा पर्याय दिसेल, त्यावर क्लिक करा.
3) त्यानंतर तुम्हाला “Update Aadhar” विभागात जावे लागेल. यानंतर यूजरला आपला आधार क्रमांक आणि सुरक्षा कोड टाकावा लागेल.
4) त्यानंतर नोंदणीकृत मोबाईल क्रमांकावर आलेल्या OTP च्या मदतीने लॉग इन करता येईल.
5) यानंतर पत्ता, फोन नंबर, नाव किंवा जन्मतारीख यांचा तपशील द्यावा लागेल.
6) मग अपडेट करायच्या डेटासंबधित इतर कागदपत्रांची हार्ड कॉपी अपलोड करावी लागेल.त्यानंतर कन्फर्म आणि सबमिट बटणावर क्लिक करा.अशा प्रकारे तुमचे ऑनलाइन आधार अपडेट होईल.
