यवतमाळ : यवतमाळमध्ये (Yavatmal Crime) एक मन हेलावून टाकणारी घटना घडली आहे. यामध्ये (Yavatmal Crime) एका आईने दोन मुलांना विष देऊन स्वतःदेखील आत्महत्या केली आहे. या हादरवणाऱ्या घटनेत आईसह दोन्ही चिमुकल्यांचा मृत्यू झाला आहे. हा सगळा प्रकार समोर आल्यानंतर यवतमाळमध्ये मोठी खळबळ उडाली. या घटनेची माहिती मिळताच पोलिसांनी तातडीने घटनास्थळी धाव घेऊन मृतदेह ताब्यात घेतले आहेत.
हि घटना यवतमाळच्या ऊमरखेड तालुक्यातील निंगणुर या ठिकाणी घडली आहे. यामध्ये आईसह दोन्ही निरागस मुलांचा मृत्यू झाल्याने सगळीकडे हळहळ व्यक्त केली जात आहे. रेश्मा नितीन मुडे असे मृत आईचे नाव आहे तर सहा वर्षीय श्रावणी आणि तीन वर्षीय सार्थक असे मृत बालकांची नावे आहेत. या प्रकरणाची माहिती मिळताच कुटुंबियांनी तिघांनाही तात्काळ सवना येथील ग्रामीण रुग्णालयात उपचारासाठी दाखल केले, मात्र उपचारदरम्यान तिघांही मृत्यू झाला. या घटनेमुळे सगळीकडे हळहळ व्यक्त केली जात आहे.
सोमवारी संध्याकाळी रेश्मा मुडे यांनी आधी दोन बालकांना विष पाजले. यानंतर त्यांनी स्वतःही विष प्यायले. तिघांचीही प्रकृती खराब झाल्यावर कुटुंबातील सदस्यांनी त्यांना सवना येथील ग्रामीण रुग्णालयात दाखल केले. मात्र, त्या आधीच दोघांचा मृत्यू झाला होता. तर श्रावणीला पुढील उपचारासाठी पुसद येथील उपजिल्हा रुग्णालयात दाखल करण्यात आले. मात्र, उपचारदरम्यान तिचाही मृत्यू झाला.रेश्माने अचानक असे टोकाचे पाऊल का उचलले हे मात्र अद्याप समजू शकलेले नाही. बिटरगाव पोलीस या प्रकरणाचा पुढील तपास करत आहेत.