नांदेड : नांदेडमधून (Nanded News) एक काळीज पिळवटून टाकणारी घटना समोर आली आहे. यामध्ये पतीचे अपघातात निधन झाल्याची बातमी समजताच पत्नीने घरात गळफास घेऊन आत्महत्या केली. या घटनेमुळे परिसरात एकच खळबळ उडाली आहे. स्नेहा बेंद्रीकर असं आत्महत्या केलेल्या पत्नीचं नाव आहे. त्यांच्या पतीचा शनिवारी रात्री घरी परतताना अपघाती मृत्यू झाला होता. यानंतर स्नेहा यांनी त्याच रात्री उशिरा गळफास घेऊन आत्महत्या केली.
काय आहे संपूर्ण प्रकरण?
स्नेहा यांचे पती अरुण बेंद्रिकर हे विष्णुपुरी इथून घरी परत येत होते. त्यांच्या दुचाकीला कहाळा-गडगा इथं अज्ञात वाहनाने धडक दिली. यामध्ये गंभीर जखमी झालेल्या अरुण यांचा मृत्यू झाला. अरुण यांचे अपघातात जागीच निधन झाल्यानंतर त्यांच्या खिशात असणाऱ्या ओळखपत्राच्या आधारे माहिती घेऊन त्यांच्या पत्नीला याची माहिती देण्यात आली.
पत्नी स्नेहा यांना पती अरुण यांच्या निधनाची माहिती मिळताच जबर धक्का बसला. यातूनच त्यांनी रात्री उशिरा घरात गळफास घेऊन आत्महत्या केली. स्नेहा यांचे पती अरुण हे महावितरणमध्ये कर्मचारी होते. दोघांना अडीच वर्षांची मुलगीसुद्धा आहे. पतीचं अपघाती निधन आणि पत्नीच्या आत्महत्येमुळे अडीच वर्षांची चिमुकली पोरकी झाली. या घटनेमुळे नायगाव तालुक्यात हळहळ व्यक्त केली जात आहे.
अरुण यांच्या मृतदेहाचे शवविच्छेदन विष्णुपुरी शासकीय रुग्णालयांमध्ये करण्यात आलं. तर स्नेहा यांच्या मृतदेहावर नायगाव येथील शासकीय रुग्णालयात करण्यात आले. या दाम्पत्याच्या पार्थिव देहांवर बेंद्री येथे आज सकाळी अंत्यसंस्कार करण्यात आले.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pimpri Video : दारुच्या नशेत शर्ट काढून दहशत पसरवणाऱ्या गुंडाला पोलिसांनी घडवली अद्दल
Maharashtra Politics : वंचित बहुजन आघाडीकडून बीड लोकसभेसाठी अशोक हिंगे पाटील यांना उमेदवारी जाहीर
Delhi High Court : सहमतीने ठेवलेले शारीरिक संबंध बलात्कार होऊ शकत नाही; कोर्टाचा मोठा निर्णय
