मुंबई : शिवसेना ठाकरे गटाचे माजी नगरसेवक अभिषेक घोसाळकर (Abhishek Ghosalkar Firing) यांच्यावर काल रात्रीच्या सुमारास फेसबूक लाईव्ह सुरु असताना गोळीबार करण्यात आला. या घटनेत त्यांचा मृत्यू झाला आहे. या घटनेमुळे संपूर्ण राज्यात खळबळ उडाली आहे. मॉरिस नरोना नावाच्या व्यक्तीने त्यांच्यावर फेसबुक लाईव्ह सुरु असताना गोळ्या झाडल्या. घोसाळकरांवर गोळ्या झाडल्यानंतर मॉरिसने स्वतःवर देखील गोळ्या झाडून आत्महत्या केली. या प्रकरणी आता एक मोठी अपडेट समोर आली आहे.
उत्तर प्रदेश कनेक्शन आले समोर
दरम्यान मॉरिस याच्याकडे बंदुकीचा कोणताही अधिकृत परवाना नव्हता. मग त्याच्याकडे बंदूक कशी आली असा प्रश्न उपस्थित केला जात होता? या प्रकरणात तपासादरम्यान पोलिसांना महत्त्वाची माहिती मिळाली आहे. मॉरिसने आपल्या अंगरक्षकाची पिस्तूल घेऊन अभिषेक घोसाळकर यांच्यावर गोळीबार केल्याचे समोर आले आहे. ज्या बंदूकीनं घोसाळकर यांची हत्या करण्यात आली तीचं कनेक्शन फूलपूर उत्तर प्रदेशशी जोडलेलं आहे. पोलिसांकडून याचा अधिक तपास सुरु आहे.
दरम्यान या प्रकरणात आतापर्यंत पोलिसांनी तिघांना ताब्यात घेतलं आहे. मेहूल पारेख आणि रोहित शाहु उर्फ रावण अशी पोलिसांनी अटक केलेल्या आरोपींची नावे आहेत. तसेच मॉरिस याच्या अंगरक्षकाला देखील या प्रकरणी ताब्यात घेण्यात आले आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Abhishek Ghosalkar Muder : कोरोना योद्धा पुरस्कार विजेता मॉरिस कसा बनला मारेकरी
Pune Crime News : पुणे पोलिसांच्या आदेशाला केराची टोपली; कुख्यात गुंड निलेश घायवळचे रिल्स व्हायरल
Abhishek Ghosalkar : ठाकरे गटाचे माजी नगरसेवक अभिषेक घोसाळकर यांची गोळी झाडून हत्या
Abhishek Ghosalkar Firing : अभिषेक घोसाळकर गोळीबार प्रकरणात ‘त्या’ व्यक्तीला पोलिसांनी घेतले ताब्यात