पिंपरी चिंचवड : काल दुपारी पिंपरी – चिंचवडमध्ये (Pimpari Chinchwad) एका तरुणाची भर दिवसा हत्या (Murder) करण्यात आली होती. या घटनेमुळे पिंपरी चिंचवड परिसरात मोठी खळबळ उडाली होती. या घटनेत एक धक्कादायक माहिती समोर आली आहे. यामध्ये मृत तरुणाच्या मित्रानेच त्याची हत्या केली आहे. मात्र ही हत्या नेमकी कोणत्या कारणातून करण्यात आली हे मात्र अद्याप समजू शकलेले नाही.
काय आहे संपूर्ण प्रकरण?
कृष्णा उर्फ सोन्या हरिभाऊ तापकीर (30, रा. महादेव मंदिराजवळ, चिखलीगाव, पुणे) (Sonya Haribhau Tapkir) असे खून झालेल्याचे नाव आहे. या हत्येप्रकरणी चिखली पोलिस स्टेशनमधील अधिकाऱ्यांनी दिलेल्या माहितीनुसार सोन्या तापकीरचा खून त्याचा मित्र सौरभ उर्फ सोन्या पानसरे (रा. मु.पो. मोई, ता. खेड, जि. पुणे) (Sonya Pansare) आणि त्याचा साथीदार सिध्दार्थ कांबळे (Siddharth Kamble) यांनी केला आहे. पानसरे आणि कांबळेने काल दुपारी कोणत्यातरी अज्ञान कारणावरून सोन्या तापकीरची भर चौकात गोळ्या घालून हत्या केली.
याप्रकरणी चिखली पोलिस स्टेशनमध्ये (Chikhli Police Station) गुन्हा दाखल करून आरोपींचा शोध घेण्यात येत आहे. यामध्ये सोन्या तापकीरची गेम सोन्या पानसरेने वाजविल्यामुळे पिंपरी चिंचवडमध्ये मोठी खळबळ उडाली आहे. चिखली पोलिस स्टेशनचे वरिष्ठ पोलिस निरीक्षक ज्ञानेश्वर काटकर (PI Dnyaneshwar Katkar) यांच्या मार्गदर्शनाखाली चिखली पोलिस आणि पिंपरी-चिंचवडच्या गुन्हे शाखेचे पोलिस (Pimpri Chinchwad Police Crime Branch) या प्रकरणाचा पुढील तपास करत आहेत.
