सोलापूर : सोलापूर पोलीस दलातून (Solapur News) एक खळबळजनक बातमी आली आहे. यामध्ये सोलापूर शहरात एमआयडीसी पोलीस ठाण्यात कार्यरत असणाऱ्या पोलीस उपनिरीक्षकावर लाच लुचपत प्रतिबंधक विभागाने कारवाई केली आहे. प्रतिबंधात्मक कारवाई न करण्यासाठी तत्कालीन पोलीस निरीक्षकांच्या संमतीने दोन लाखांची लाचेची मागणी करत एक लाख रुपयांची लाच स्वीकारण्याची तयारी पोलीस उपनिरीक्षकाने दर्शवली होती. याप्रकरणी तक्रार दाखल झाल्यानंतर पोलीस उपनिरीक्षक विक्रम राजपूत यांना लाचलुचपत प्रतिबंधक विभागाने ताब्यात घेतले आहे.
काय आहे नेमके प्रकरण?
एका व्यक्तीवर ॲट्रॉसिटी आणि इतर गुन्हे दाखल असताना त्यांच्यावर प्रतिबंधात्मक कारवाई न करण्यासाठी तक्रारदार आणि त्यांच्या मित्राकडून लाचेची मागणी पोलीस उपनिरीक्ष विक्रम राजपूत यांनी केली होती. त्यानंतर तक्रारदाराने याविषयी तक्रार दाखल केली होती. त्यांनतर लाच लुचपत प्रतिबंधक विभागाने कारवाई करत विक्रम राजपूत यांना अटक केली आहे. एमआयडीसी पोलीस ठाण्यात या गुन्ह्याची नोंद करण्यात आली आहे.
PROMO: 5 राज्याच्या निकालांचं सखोल विश्लेषण पाहा TOP NEWS मराठीवर UNCUT LIVE
JioTV: https://t.co/0pk3QxuKROhttps://t.co/fffp1TEtU6https://t.co/mvE7TVmYTj
Cable Network-
*NEXT GENERATION
*GTPL
*IN DIGITAL pic.twitter.com/erO0H3liLF— TOP NEWS MARATHI (@Topnewsmarathi) December 2, 2023
एमआयडीसी पोलीस ठाण्यात एका व्यक्तीविरुद्ध दोन महिन्यांपूर्वी दाखल झालेल्या गुन्ह्याचा तपास विक्रम राजपूत करत होते. त्या व्यक्तीवर प्रतिबंधात्मक कारवाई न करण्यासाठी राजपूत यांनी स्वतःसाठी आणि वरिष्ठ पोलीस निरीक्षक राजन माने यांच्या नावाने दोन लाख रुपयांची लाच मागितल्याची तक्रार संबंधित व्यक्तीच्या मित्राने केली होती. त्यानंतर एसीबीने 6 ऑक्टोबर रोजी या तक्रारीची पडताळणी केली तेव्हा राजपूत यांनी एक लाख रुपयांची लाच स्विकारण्यास संमती दर्शवली होती. त्यानंतर एसीबीने सापळा रचून राजपूत यांना अटक केली आहे. या घटनेमुळे सोलापूर पोलीस दलात मोठी खळबळ उडाली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Ajit Pawar : उपमुख्यमंत्री अजित पवारांचा छत्रपती संभाजीनगरचा दौरा रद्द; ‘हे’ कारण आले समोर
Palghar News : धक्कादायक! क्रिकेट सामना बघताना वाद झाला अन् तरुण जीवानिशी मुकला