सोलापूर : राज्यात अपघाताचे (Soalpur Accident) प्रमाण काही कमी होण्याचे नाव घेत नाही आहे. सांगोला तालुक्यातील आदमापूर येथील मंदिरातून बाळूमामांचे दर्शन घेऊन परतणाऱ्या भाविकांवर काळाने घाला घातला आहे. यामध्ये दुचाकी दुभाजकावर आदळून दोघांचा जागीच मृत्यू झाला तर एकजण गंभीर जखमी झाला आहे. अपघातात (Soalpur Accident) मृत झालेले दोघेजण सोलापूर शहरातील आहेत. विशाल लक्ष्मण कटाप (वय 26, रा. स्वामी विवेकानंदनगर, हत्तुरे वस्ती, सोलापूर) आणि बसवराज धानाप्पा गौडरू (वय 29, रा. नई जिंदगी, सिद्धेश्वरनगर, सोलापूर) अशी या अपघातात मृत पावलेल्या व्यक्तीची नावे आहेत.
समृद्धी महामार्गावरील अपघात रोखण्यासाठी सरकारने उचलले ‘हे’ मोठे पाऊल
काय घडले नेमके?
रविवारी सायंकाळी 5.15 च्या सुमारास मिरज-सांगोला महामार्गावर काळूबाळूवाडी पुलावर हा भीषण अपघात झाला. या अपघातात विशाल कटाप,बसवराज गौडरू,शांतेश्वर सूर्यकांत शिरोळे हे तिघंजणं दुचाकीवर ट्रिपल सीट बसून सोलापूरकडे येत असताना त्यांचा वाटेतच भीषण अपघात झाला. ते बाळूमामांच्या दर्शनासाठी निघाले होते. तर सागर विठ्ठल पवार व दीपक सूर्यकांत शिरोळे असे दोघे जण (एम एच 13 बी.एस. 8356) या दुचाकीने शनिवारी रात्री 12 च्या सुमारास सोलापूर येथून आदमापूरला निघाले होते.अमावास्येनिमित्त श्रीक्षेत्र आदमापूर येथील बाळूमामाचे दर्शन घेतले. रविवारी देवदर्शन आटोपून दुपारी 12च्या सुमारास हे 5 जण परत त्याच दोन दुचाकींवरून सोलापूरच्या दिशेने येत होते.
बाईक अन् कारच्या अपघातात बाप लेकाचा दुर्दैवी मृत्यू
यावेळी विशाल, बसवराज, शांतेश्वर हे तिघेजण एका दुचाकीवर बसले होते. ते ट्रिपलसीट मिरजमार्गे सांगोल्याच्या दिशेने निघाले होते. रविवारी सायं 5.15 च्या सुमारास त्यांची दुचाकी जुनोनी जवळ काळूबाळूवाडी पुलाच्या दुभाजकाला वेगात आदळली. हा अपघात एवढा भीषण होता कि, दोघांचा जागीच मृत्यू झाला तर एकजण गंभीर जखमी झाला आहे. त्यांच्यावर अतिदक्षता विभागात उपचार सुरू आहेत. दीपक सूर्यकांत शिरोळे यांनी या अपघाताप्रकरणी (Soalpur Accident) फिर्याद दाखल केली आहे.
