श्रीरामपूर : श्रीरामपूरमधून (Shrirampur News) एक धक्कादायक घटना समोर आली आहे. यामध्ये एका एजंटने RTO कर्मचाऱ्यावर जीवघेणा हल्ला केला आहे. या घटनेमुळे कार्यालयात एकच खळबळ उडाली. या सगळ्या प्रकाराचा एक व्हिडिओ सध्या सोशल मीडियावर व्हायरल होताना दिसत आहे. या प्रकारामुळे श्रीरामपूर आरटीओ कार्यालयात एजंट लोकांची मुजोरी पहायला मिळाली.
काय आहे नेमका प्रकार?
कागदपत्रावर सही केली नाही म्हणून थेट एका एजंटने कर्मचाऱ्यावर हल्ला केला. कर्मचाऱ्याला मारहाण करत चॉपरने हल्ला करण्याचा प्रयत्न केला. ही घटना काल दुपारी श्रीरामपूर आरटीओ कार्यालयात घडली. 23 नोव्हेंबरच्या दुपारी, श्रीरामपूर आरटीओ कार्यालयात कामकाज सुरू असताना, आरटीओ कार्यालयात दुपारी 1.30 ते 2 वाजेच्या दरम्यान, एजंटगिरी करणाऱ्या हुजेफ यूनुस जमादार यानं वाहनावरील बोजा कमी करत, वाहन हस्तांतरन करण्याचं काम करून दे, असं म्हणत आरटीओ कार्यालयात, कनिष्ठ लिपिक पदावर कार्यरत असलेल्या सुनील जगन्नाथ शेवरे यांना, मी कोण आहे तुला माहीत नाही थांब तुला दाखवतो, म्हणत अरेरावी व शिवीगाळ केला. धारदार लोखंडी हत्यार व 14 ते 15 विशिष्ट समाजाच्या लोकांसोबत,आरटीओ कार्यालयातील केबिन मध्ये घुसून त्यांना चाकूचा धाक दाखवून आरटीओ कार्यालयातील कर्मचा-यास मारहाण केली.
एजंटकडून सही दिली नाही म्हणून RTO कर्मचाऱ्यावर जीवघेणा हल्ला pic.twitter.com/3duQSponn8
— TOP NEWS MARATHI (@Topnewsmarathi) November 24, 2023
या संदर्भात आरटीओ कार्यालयात, कनिष्ठ लिपिक पदावर कार्यरत असलेल्या सुनील जगन्नाथ शेवरे यांच्या फिर्यादीवरून, श्रीरामपूर पोलीस ठाण्यात भादवी कलम 353, 332, 183, 34, अनुसूचित जाती आणि जमाती ३(1), (r) (s) अन्वये गुन्हा दाखल करण्यात आला आहे. या प्रकरणाची गंभीर दखल घेऊन पोलीस निरीक्षक हर्षवर्धन गवळी यांनी तात्काळ, गुन्ह्यातील मुख्य आरोपी हुजेफ यूनुस जमादार याला ताब्यात घेतले आहे. श्रीरामपूर शहर पोलीस बाकी आरोपींचा शोध घेत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Deepfake Technology : गेल्या काही दिवसांपासून चर्चेत असलेले डीपफेक तंत्रज्ञान नेमके काय आहे?
IRCTC ची वेबसाईट ठप्प; तिकीट बुकिंग करताना येत आहेत अडचणी
KBC 15 : एक चुक पडली 97 लाखांना! विराटचा ‘विराट’ विक्रम थोडक्यात हुकला
Accident News : दुभाजकाला धडकून कारचा भीषण अपघात
Milk : दूध पिण्याची योग्य वेळ कोणती?
Kolhapur Accident : गोव्याहून मुंबईला येणाऱ्या ट्रॅव्हल्सचा कोल्हापुरात भीषण अपघात
