बीड : राजकीय वर्तुळातून एक मोठी बातमी समोर आली आहे. यामध्ये बीडमधील (Beed News) शिवसेना शिंदे गटाच्या उपजिल्हाप्रमुखावर जीवघेणा हल्ला करण्यात आला आहे. विशेष म्हणजे हा हल्ला शिंदे गटाच्या जिल्हाप्रमुखानेच केला आहे. या हल्ल्यात गंभीर जखमी झालेल्या उपजिल्हाप्रमुखावर उपचार सुरु आहेत. या हल्ल्याप्रकरणी पोलिसात गुन्हा दाखल करण्यात आला आहे. पोलिसांनी या प्रकरणी शिंदे गटाच्या जिल्हाप्रमुखासह 12 जणांवर गुन्हा दाखल केला आहे.
काय घडले नेमके?
बीड जिल्ह्यातील शिंदे गटाच्या शिवसेनेमधील वाद चव्हाट्यावर आला आहे. 3 एप्रिल रोजी ज्ञानेश्वर खांडे हे गावी जात असतांना त्यांची गाडी अडवून लोखंडी रॉड व लाकडी दांड्याने मारहाण झाली होती. त्यांच्यावर सध्या पुणे येथे उपचार करण्यात येत आहेत. दरम्यान आता ज्ञानेश्वर खांडे यांच्या तक्रारीवरुन शिवसेनेचे बीड जिल्हाप्रमुख कुंडलिक खांडे यांच्यासह गणेश खांडे, नामदेव खांडे, गोरख शिंदे अशा बाराजणांवर बीड ग्रामीण पोलिस ठाण्यात गुन्हा दाखल करण्यात आला आहे.
शिवसेना शिंदे गटाचे उपजिल्हाप्रमुख ज्ञानेश्वर खांडे यांच्यावर धारधार शस्त्राने आणि रॉडने हल्ला झाला होता. दहा ते बारा जणांनी हा हल्ला केला होता. यानंतर ज्ञानेश्वर खांडे यांनी पोलिसात तक्रार दाखल केली होती. या तक्रारीनुसार शिंदे गटाचे जिल्हाप्रमुख कुंडलिक खांडे आणि इतर 12 जणांवर गुन्हा दाखल झाला आहे. ग्रामपंचायत निवडणुकीच्या बॅनरवरून माळस जवळा गावात दोन गटात वाद झाला होता. त्यातूनच कुंडलिक खांडे यांनी आपल्याला मारहाण केल्याचा आरोप उपजिल्हाप्रमुख ज्ञानेश्वर खांडे यांनी केला.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Nanded News : चिमुकली झाली पोरकी ! पतीच्या अपघाती मृत्यूनंतर पत्नीनेदेखील संपवलं आयुष्य
Pimpri Video : दारुच्या नशेत शर्ट काढून दहशत पसरवणाऱ्या गुंडाला पोलिसांनी घडवली अद्दल
Maharashtra Politics : वंचित बहुजन आघाडीकडून बीड लोकसभेसाठी अशोक हिंगे पाटील यांना उमेदवारी जाहीर
Delhi High Court : सहमतीने ठेवलेले शारीरिक संबंध बलात्कार होऊ शकत नाही; कोर्टाचा मोठा निर्णय