पुणे : कुख्यात गँगस्टर शरद मोहोळ (Sharad Mohol) याची 5 जानेवारी रोजी पुण्यात भरदुपारी गोळ्या घालून हत्या करण्यात आली. शरद मोहोळ याच्या लग्नाच्या वाढदिवशी घराजवळ कोथरुडच्या सुतारदरा भागात त्याच्यावर गोळीबार करण्यात आला. गोळीबारानंतर मोहोळला लगेचच जवळच्या सह्याद्री हॉस्पिटलमध्ये दाखल करण्यात आले. मात्र, प्रकृती गंभीर असल्याने त्याला ससून हॉस्पिटलमध्ये नेण्यात आले. या ठिकाणी त्याचा उपचारादरम्यान मृत्यू झाला.या प्रकरणात पोलिसांनी आठ आरोपींना अटक केली आहे. त्यानंतर आज पोलिसांनी पत्रकार परिषद घेऊन या प्रकरणाबद्दल महत्वाची माहिती दिली.
नेमकं काय म्हणाले पोलीस?
कोथरुडमधील रेकॉर्डवरील गुन्हेगार शरद मोहोळ साथीदारासोबत घराकडे जात असताना मुन्ना उर्फ साहिल पोळेकर आणि इतर दोघांनी रस्त्यातच गोळीबार केला. गोळीबारानंतर त्या ठिकाणाहून तिन्ही आरोपी पळून गेले. पोलिसांनी घटनास्थळी भेट दिली. तिथं चौकशी करण्यात आली. त्यात प्रत्यक्षदर्शी साक्षीदारांनी पोळेकरचं नाव सांगितलं. तो सोबत असताना त्यानेच मोहोळवर गोळीबार केला. गुन्हेशाखेने तपासासाठी पथकं तयार केली. त्यात पोळेकरच्या घराचा, मूळ गावाचा शोध घेतला. तो सापडला नाही. तेव्हा तो दुचाकीवरून पळून गेल्याचं समजलं.
त्रयस्थ माणसाची गाडी होती. गाडीचा शोध घेतला असता ती बेवारस आढळली. पोळेकरकडे चार चाकी असल्याचं समजलं. गाडीचा नंबर ट्रेस केला. त्यानंतर शहराच्या बाहेर जाणाऱ्या रस्त्यावर शोध घेतला. त्यानंतर पथके रवाना झाली आणि सातारा रोडला शिरवळजवळ दोन कार जप्त करण्यात आल्या. यामधून 8 आरोपींना ताब्यात घेण्यात आले. गोळीबाराची घटना घडली त्यात तिघांनी गोळ्या झाडल्या. तिन्ही पिस्टल जप्त केले आहेत. मुन्ना पोळेकरने गुन्ह्याची कबुली दिली आहे. याच कामासाठी त्यांनी तीन-चार महिन्यांपूर्वी पिस्टल आणले होते. या घटनेत मुख्य आरोपी मुन्ना उर्फ साहिल पोळेकर, त्याचा मामा नामदेव महिपती कानगुडे आणि विठ्ठल किसन गांडले यांचं शरद मोहोळसोबत वैमनस्य होतं. त्याच प्रकारातून हल्ला झाल्याचे पोलिसांकडून सांगण्यात आले आहे. या गुन्हेगारांमध्ये 2 वकिलांचादेखील समावेश आहे. गुन्ह्यात त्यांची काय भूमिका हे तपासानंतर कळेल असे पोलिसांकडून स्पष्ट करण्यात आले आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Sharad Mohol Murder : शरद मोहोळच्या हत्येपूर्वी नेमकं काय घडलं होतं? ‘ही’ महत्वाची माहिती आली समोर
Sharad Mohol : कुख्यात गँगस्टर शरद मोहोळची गोळ्या घालून हत्या; CCTV फुटेज आले समोर
Pune News : शरद मोहोळ खून प्रकरणात ‘त्या’ दोन नामांकित वकिलांचा समावेश
Pune Crime : पुण्यात टोळीयुद्धातून आतापर्यंत कोणाकोणाची झाली हत्या?
Sharad Mohol Murder : शरद मोहळची हत्या कशी केली? पोलिसांनी सांगितला संपूर्ण घटनाक्रम
Sharad Mohol : शरद मोहोळची गेम गॅंगमधील ‘त्या’ साथीदाराने केली; कोण आहे ‘तो’ व्यक्ती?