नागपूर : काही दिवसांपूर्वी केंद्रीय मंत्री नितीन गडकरी (Nitin Gadkari) यांना धमकी देण्यात आली होती. त्यावेळी त्यांच्याकडे शंभर कोटींच्या खंडणीची मागणी केली होती. जयेश पुजारीने जेलमधून नितीन गडकरींना (Nitin Gadkari) ही धमकी दिली होती. या प्रकरणात आता नागपूर पोलिसांनी या सर्व प्रकरणाचा मास्टरमाईंड असलेल्या अफसर पाशाला अटक केली आहे. यादरम्यान त्याची चौकशी केली असता त्याने एक मोठा धक्कादायक खुलासा केला आहे.
Nitin Gadkari : ट्रकचालकांसाठी नितीन गडकरींनी केली ‘ही’ मोठी घोषणा
काय केला खुलासा?
राष्ट्रीय स्वयंसेवक संघावरील रागामुळेच आपण केंद्रीय मंत्री नितीन गडकरी यांना धमकी दिल्याचे सांगितले. गडकरी धमकी प्रकरणातील मास्टरमाईंड अफसर पाशा हा बांदलादेश आणि सौदी अरेबियात दहशतवाद्यांच्या संपर्कात आला. त्याने बांगलादेश आणि सौदी अरेबियात मेकॅनिक म्हणून नोकरी करत असताना दहशतवादी संघटनेच्या प्रमुख नेत्यांची भेट घेतली. त्यानंतर त्याने सौदी अरेबियामधून परतल्यानंतर त्याने बंगळूरूमध्ये दहशतवादी हल्ला कोला होता. त्यानंतर कर्नाटकच्या वेगवेगळ्या जेलमध्ये शिक्षा भोगत असतानाही तो दहशतवादी कारवायांमध्ये सक्रीय होता.
NITIN GADAKARI : चांदणी चौकातील उड्डाणपूल पुढील दोन ते तीन दिवसांत पाडणार
अफसर पाशा हा लष्कर ये तोयबा आणि पीएफआयचा दहशतवादी आहे. गडकरी (Nitin Gadkari) यांना खंडणीची धमकी दिल्याप्रकरणी नागपूर पोलिसांकडून त्याची कसून चौकशी सुरु आहे. त्याच्या चौकशीमधून अनेक धक्कादायक खुलासे होत आहेत. याच अफसर पाशाच्या सांगण्यावरून जयेश पुजारी याने गडकरींना धमकीचा कॉल केला होता.
