पुणे : पुण्यामधून (Pune News) एक धक्कादायक बातमी समोर आली आहे. शाळेतून मुलीला घरी आणण्यासाठी निघालेल्या आईचा डंपरखाली सापडून मृत्यू झाल्याची घटना घडली आहे. शुक्रवारी दुपारी अडीचच्या सुमारास कोकणे चौकात ही घटना घडली.पूनम सतेंद्र रातुरी (वय 41, रा. यश संकुल सोसायटी, पिंपळे सौदागर) असे मृत्यू झालेल्या आईचे नाव आहे. मृत महिलेचे पती सतेंद्र शिवानंद रातुरी यांनी वाकड पोलीस (Pune News) ठाण्यात फिर्याद दिली. त्यानुसार डंपरचालकाविरोधात गुन्हा दाखल करण्यात आला आहे.
Accident News : समृद्धी महामार्गावर अजून एक भीषण अपघात; तिघांचा मृत्यू
काय घडले नेमके?
एसएनबीपी शाळेच्या स्कूल बस दोन दिवस बंद राहणार असल्याचे शाळा प्रशासनाने दोन दिवसांपूर्वी जाहीर केले होते. त्यामुळे कोकणे चौकात असलेल्या एसएनबीपी शाळेतुन मुलांना आणण्यासाठी आलेल्या पालकांच्या वाहनांमुळे कोकणे चौक ते एसएनबीपी शाळा परिसरात मोठी वाहतूक कोंडी होती. त्याच दरम्यान दुपारी दोन वाजताच्या सुमारास मुसळधार पावसाला सुरुवात झाली. त्यामुळे त्या मुलगी श्रेयाला आणण्यासाठी आई पूनम ह्या दुचाकीवरून स्वराज चौकातून कोकणे चौकाच्या दिशेने जात होत्या.
यावेळी कोकणे चौकातून (Pune News) आलेल्या डंपरसमोर त्या अचानक पडल्या आणि डंपरचे चाक त्यांच्या डोक्यावरून गेले. त्या गंभीर जखमी झाल्या.त्यांना तात्काळ औंध हॉस्पिटलमध्ये उपचारासाठी नेण्यात आले; परंतु त्यांचा उपचारापूर्वीच मृत्यू झाल्याचे डॉक्टरांनी सांगितले. पोलीस या घटनेचा पुढील तपास करत आहेत.