पुणे : गेल्या काही दिवसांपासून पुण्यात (Pune News) गुन्हेगारीचे प्रमाण खूप वाढले आहे. अशातच पुण्यातच (Pune News) एक धक्कादायक प्रकार समोर आला आहे. उसने घेतलेले पैसे परत न दिल्याने खाजगी सावकाराने एका व्यक्तीच्या पत्नीवर बलात्कार केला आहे. यामध्ये हद्द म्हणजे या सावकाराने पतीसमोरच या महिलेवर बलात्कार केला. त्यानंतर आरोपीने या संपूर्ण प्रकाराचा व्हिडिओ तयार करून हा तो सोशल मीडियावर व्हायरल देखील केला.या घटनेमुळे संपूर्ण पुणे जिल्हा हादरला आहे. या प्रकरणी पोलिसांनी आरोपी सावकाराला अटक केली असून पुढील तपासाला सुरुवात केली आहे.
Nashik News : वाहनांची तोडफोड करणाऱ्या गुन्हेगारांची पोलिसांनी भरपावसात काढली धिंड
काय आहे नेमके प्रकरण?
पुण्यातील हडपसर परिसरात फेब्रुवारी 2023 मध्ये ही धक्कादायक घटना घडली होती. एका 34 वर्षीय विवाहित महिलेने या प्रकरणी तक्रार दाखल केली आहे. इम्तियाज हसीन शेख (वय 47) असे या प्रकरणातील आरोपी सावकाराचे नाव आहे. त्याच्या विरोधात हडपसर पोलीस ठाण्यात गुन्हा दाखल करण्यात आला असून त्याला अटक करण्यात आली आहे. तब्बल सहा महिन्यांनी हे प्रकरण उघडकीस आल्यामुळे परिसरात मोठी खळबळ उडाली आहे. हडपसर पोलीस या प्रकरणाचा अधिक तपास करत आहे.
पीडित महिलेच्या पतीला आरोपीला इम्तियाज हसीन शेख याने उसने पैसे दिले होते. उसने घेतलेले पैसे फिर्यादीचा पती परत करू शकला नाही. त्यामुळे आरोपीने फिर्यादी आणि तिच्या पतीला ठार मारण्याची धमकी देत हडपसर येथील म्हाडा कॉलनीत बोलावून घेतले. त्यानंतर फिर्यादीच्या पतीला समोर बसून चाकूचा धाक दाखवत ठार मारण्याची धमकी दिली. त्यानंतर आरोपीने त्याच्या पत्नीसोबत जबरदस्तीने शारिरीक संबंध ठेवले. हा आरोपी (Pune News) एवढ्यावरच थांबला नाही त्याने या सगळ्याचा व्हिडिओ बनवून पुन्हा एकदा महिलेकडे शरीर संबंधाची मागणी केली. मात्र फिर्यादीने त्यास नकार दिला. यानंतर आरोपीने हे सगळे व्हिडिओ सोशल मीडियावर व्हायरल करुन टाकले. या घटनेची माहिती मिळताच पीडितेने तात्काळ हडपसर पोलीस ठाणे गाठले आणि आपली तक्रार दाखल केली. वरिष्ठ पोलीस निरीक्षक रवींद्र शेळके या प्रकरणाचा पुढील तपास करत आहेत.