पुणे : पुण्यातून (Pune Crime News) जावयाच्या नात्याला काळिमा फासणारी घटना समोर आली आहे. यामध्ये पोटगी व मुलीचा ताबा मिळावा, यासाठी न्यायालयात सुरू असलेली केस सासू मागे घेत नाही, याचा राग मनात धरून जावयाने सासूवर चाकूने वार करत प्राणघातक हल्ला केला आहे. ही धक्कादायक घटना हवेली तालुक्यातील नायगाव या ठिकाणी सायंकाळच्या सुमारास घडली आहे. याप्रकरणी लोणी काळभोर पोलिसांनी आरोपी जावयाला अटक केली आहे.
अलका विठ्ठल गवळी (50, रा. आदर्श कॉलनी, नायगाव, ता. हवेली) असे जखमी झालेल्या सासूचे नाव आहे. तर संग्राम बळवंत शिंदे (38, रा. शिंदे वस्ती, मोडनिंब, ता. माढा, जि. सोलापूर) असे आरोपी जावयाचे नाव आहे. याप्रकरणी रुपाली संग्राम शिंदे (28, सध्या रा. आदर्श कॉलनी, नायगाव, ता. हवेली, मूळ रा. शिंदे वस्ती, रेल्वेलाइन जवळ, मोडनिंब, ता. माढा, जि. सोलापूर) यांनी लोणी काळभोर पोलिस ठाण्यात फिर्याद दाखल केली आहे.
काय आहे संपूर्ण प्रकरण?
फिर्यादी रुपाली शिंदे या त्यांच्या आई अलका गवळी यांच्यासोबत नायगाव येथे राहतात. रुपाली यांची पोटगी व मुलीचा ताबा मिळवण्यासाठी न्यायालयात केस सुरू आहे. आरोपी संग्राम शिंदे हा बुधवारी सायंकाळी साडेपाचच्या सुमारास नायगाव येथील सासूच्या घरी आला. त्याने रुपाली यांना केस मागे घेण्यास सांगितले. यावर फिर्यादी रुपाली यांनी ‘जे काही होईल ते न्यायालयात होईल’ असे सांगितले. यामुळे चिडलेल्या संग्राम याने टीफीनच्या पिशवीतून आणलेला चाकू बाहेर काढत ‘तुला जिवानिशी सोडणार नाही’ असे म्हणत रुपाली यांच्या अंगावर धावून गेला. त्यावेळी रुपाली यांची आई अलका गवळीमध्ये आल्या. ‘तुझ्यामुळेच सगळे होत आहे, तूच केस मिटवू देत नाहीस, तुलाच खल्लास करतो’ असे म्हणत संग्राम याने अलका गवळी यांच्या पोटात दोन ते तीन वेळा चाकू खुपसला. तसेच त्यांच्या डाव्या हातावर चाकूने वार केले. यामध्ये अलका गवळी या गंभीर जखमी झाल्या. त्यानंतर तातडीने रुग्णालयात दाखल करण्यात आले आहे. पोलिस निरीक्षक (गुन्हे) अमोल घोडके या प्रकरणाचा पुढील तपास करत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Winter Session : नितेश राणेंनी ‘तो’ फोटो दाखवत ठाकरे गटाच्या ‘या’ नेत्यावर केले गंभीर आरोप
Majhi Kanya Bhagyashree Yojana : लेक जन्माला येताच ‘या’ योजनेद्वारे होणार लखपती
Pune News : पुण्यात ATS ची मोठी कारवाई ! बेकायदा वास्तव करणाऱ्या 8 बांगलादेशी नागरिकांना अटक
Shreyas Talpade : अभिनेता श्रेयस तळपदेला हृदयविकाराचा झटका; रात्री उशिरा रुग्णालयात दाखल
