पिंपरी- चिंचवड : पिंपरी- चिंचवडमधून (Pimpri-Chinchwad) एक धक्कादायक घटना समोर आली आहे. चिंचवडमधील चाफेकर विद्या मंदिर शाळेत शिकणाऱ्या एका विद्यार्थ्याचा तिसऱ्या मजल्यावरुन पडून मृत्यू झाला आहे. सार्थक कांबळे असे मृत पावलेल्या तरुणाचे नाव आहे. तो तिसऱ्या मजल्यावरील जिन्याच्या पायऱ्यावरील लोखंडी ग्रीलवरून घसरत खाली येत होता. तू तोल जाऊन पडशील अस मित्राने म्हटल तेवढ्यात तो तिसऱ्या मजल्यावरून आतील बाजूस डक्टमध्ये पडला.
काय आहे संपूर्ण घटना?
हुतात्मा चापेकर विद्यामंदिर ही महानगरपालिकेची शाळा आहे. ही घटना दुपारी बाराच्या सुमारास उघडकीस आली. पोलिसांनी दिलेल्या माहितीनुसार, सार्थक कांबळे हा इतर मित्रांसह तिसऱ्या मजल्यावर थांबला होता. पायऱ्याजवळ असलेल्या लोखंडी ग्रीलवर आतील बाजूस पाय करून सार्थक बसला. त्याच्या मित्रांनी त्याला अस बसू नकोस, तू खाली पडशील असं म्हणताच सार्थकचा तोल गेला आणि तो खाली पडला. गंभीर जखमी झालेल्या सार्थकला तातडीने महानगरपालिकेच्या रुग्णालयात नेण्यात आले मात्र त्याचा दुर्दैवी मृत्यू झाला. या घटनेमुळे कांबळे कुटुंबावर दुःखाचा डोंगर कोसळला आहे.
माझा मुलगा मला परत द्या, वडिलांचा आक्रोश
शाळेवर कठोर कारवाई करा आणि माझा मुलगा मला परत द्या. अशी मागणी सार्थकच्या वडिलांनी केली आहे. तसेच घडलेल्या घटनेची पालिकेकडून चौकशी केली जाणार आहे. यासाठी उच्चस्तरीय समिती नेमण्यात आल्याची माहिती, पालिकेच्या शिक्षण विभागाकडून देण्यात आली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Harshvardhan Patil : हर्षवर्धन पाटील यांचे पुनर्वसन; पक्षाने दिली ‘ही’ मोठी जबाबदारी
Rahul Shewale : ‘ती चूक आम्ही करणार नाही’; राहुल शेवाळेंचा उद्धव ठाकरेंवर निशाणा
Ashok Chavan : ‘…म्हणून मला भाजपने राज्यसभेची उमेदवारी दिली’; अशोक चव्हाणांनी केले स्पष्ट
