पिंपरी चिंचवड : पिंपरी-चिंचवडमधून (Pimpri-Chinchwad Crime) पती – पत्नीच्या नात्याला काळिमा फासणारी घटना समोर आली आहे. यामध्ये वंशाचा दिवा म्हणजे मुलगा होत नसल्याने दुसऱ्या विवाहाचा विचार करणाऱ्या पतीची पत्नीने सुपारी दिली. पत्नी रत्ना मिठाईलाल बरुड, शिवम दुबे आणि अमन पुजारी अशी आरोपींची नावे आहेत. या आरोपींना निगडी पोलिसांनी अटक केली आहे.
काय आहे नेमके प्रकरण?
आरोपी रत्ना आणि मिठाईलाल बरुड हे दाम्पत्य पिंपरी- चिंचवड शहरातील आकुर्डी परिसरात राहतं. या दांपत्याला एकूण आठ मुली असून पैकी एका मुलीचा मृत्यू काही महिन्यांपूर्वी झाला. मिठाईलालला सात मुली असल्याने मुलाची अपेक्षा होती, त्याला वंशाचा दिवा हवा होता. या कारणावरून तो पत्नी रत्नाचा मानसिक आणि शारीरिक छळ नेहमी करायचा. काही दिवसांपासून मिठाईलालच्या मनात वंशाचा दिवा हवा असल्याने दुसरा विवाह करण्यासंबंधी विचार येत असायचा. याची माहिती पत्नी रत्नाला मिळाली आणि रत्नाने पती मिठाईलालची हत्या करण्याचं ठरवलं. पत्नीने नोव्हेंबर महिन्यापासून या हत्येची प्लॅनिंग केली होती. यासाठी तिने आरोपींना अ‍ॅडव्हान्स म्हणून दोन लाख रुपये दिले होते.
घटनेच्या दिवशी काय घडले?
घटनेच्या दिवशी रात्री 9 च्या सुमारास रत्ना शतपावली करण्यासाठी घराबाहेर पडली. तेव्हा, तिने अमन पुजारी ला फोन करून पती आतील बेडरूम मध्ये झोपला असल्याची माहिती दिली. रत्नाने आधीच घरातील टीव्ही जवळ धारदार कोयता आणून ठेवला होता, तर रत्नाने दिलेल्या पैशातून अमन पुजारीने चाकू विकत घेतला होता. अमन आणि शिवम थेट घरात शिरले आणि त्यांनी बेसावध असलेल्या मिठाईलालवर सपासप तब्बल 20 ते 21 वार केले. पाठीतून पोटात चाकुने भोकसले, चेहऱ्यावर, हातावर वार केले. घरात मुली असल्याने मुलींनी हा सर्व थरार बघून आरडाओरडा केला. यानंतर आरोपी घाबरून घटनास्थळावरून फरार झाले.
गंभीर असलेल्या मिठाईला तातडीने मुलींनी इतर नातेवाईकांच्या आणि शेजाऱ्यांच्या मदतीने रुग्णालयात दाखल केलं. मारेकर्‍यांना रत्नाच्या मुलीने पाहिलं होतं त्यामुळे पोलीस ठाण्यात तक्रार दिल्यानंतर तिने स्पष्ट त्यांची नावे घेतली. काही तासांमध्येच दोघांनाही निगडी पोलिसांनी अटक केली. यानंतर निगडी पोलिसांनी आपला हिसका दाखवताच रत्नानेच पती मिठाईलाल ला जीवे ठार मारण्याची सुपारी दिल्याचे समोर आले. दुसरं लग्न आणि सात मुली असल्याने होत असलेल्या शारीरिक आणि मानसिक छळातून सुपारी दिल्याचे आरोपी पत्नीने कबूल केले. पोलीस उपनिरीक्षक नाथा केकान या प्रकरणाचा पुढील तपास करत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Loksabha Security Breach : संसद भवनाच्या घटनेनंतर 7 सुरक्षा रक्षकांचे निलंबन
Pune Fire : पुण्यातील लोणी काळभोर परिसरात फर्निचरच्या गोदामाला भीषण आग
Maharashtra Weather News : मुंबई गारठणार ! राज्यात ‘या’ दिवशी वाढणार थंडी
