नांदेड : काही दिवसांपूर्वी नांदेड शहरातील डॉ. शंकरराव चव्हाण शासकीय वैद्यकिय महाविद्यालय आणि रुग्णालयातील मृत्यू प्रकरण देशभर गाजलं होतं. 24 तासात 24 मृत्यू झाल्याने संपूर्ण राज्यात खळबळ उडाली होती. या रुग्णालयाच्या परिसरात आता आणखी एक धक्कादायक घटना घडली आहे. डॉ. शंकरराव चव्हाण शासकीय वैद्यकिय महाविद्यालय परिसरात एका तरुणाचा डूकराच्या हल्ल्यात मृत्यू झाला आहे.
काय घडले नेमके?
नांदेड शहराजवळच्या धनगरवाडी येथील 32 वर्षीय तुकाराम कसबे या युवकाचे डुकराच्या कळपाने लचके तोडले. यात त्याचा मृत्यू झाला आहे. मयत तरुणाला क्षयरोग होता. अकरा दिवस तो शासकीय रुग्णालयात उपचारासाठी दाखल होता. गेल्या 9 तारखेला त्याला उपाचारानंतर सुट्टी देण्यात आली होती. आज सकाळी त्याचा मृतदेह रूग्णालय परिसरात आढळला. तो शौचालयाला गेला होता. त्याच वेळी त्याच्यावर डुकराच्या कळपाने हल्ला करत लचके तोडले. या घटनेमुळे परिसरात मोठ्या प्रमाणात खळबळ उडाली होती.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
