परभणी : परभणी जिल्ह्यातून (Parbhani Crime) एक संतापजनक घटना समोर आली आहे. यामध्ये आज सकाळी 8 वाजताच्या दरम्यान एका शाळकरी विद्यार्थिनींवर धारदार शस्त्राने हल्ला करण्यात आल्याने परभणी हादरलं आहे. जिंतुर तालुक्यातील बोरी गावामध्ये ही धक्कादायक घटना घडली आहे. या हल्ल्यात दुर्दैवाने तरुणीचा मृत्यू झाला आहे. एवढेच नाहीतर हा हल्ला केल्यानंतर आरोपी स्वतःच पोलीस ठाण्यात हजर झाला आहे. या घटनेने परिसरात एकच खळबळ उडाली आहे.
काय आहे नेमके प्रकरण?
सदर तरुणी ही बोरी येथील संभाजी नगर येथे वास्तव्यास होती. बोरी येथील एका शाळेत ती 9 वीच्या वर्गात शिकते. बोरी येथील ग्रामीण रुग्णालयाच्या पाठीमागील वस्तीतून शाळेत जात असताना आरोपीने या विद्यार्थिनींला गाठून तिच्यावर धारदार शस्त्राने वार केले. या हल्ल्यात तरुणी गंभीर जखमी झाली. यानंतर तिला तातडीने रुग्णालयात दाखल करण्यात आले. मात्र त्या ठिकाणी तिचा उपचारादरम्यान मृत्यू झाला. दिवसाढवळ्या तरुणीवर हल्ला झाल्याने आणि ते ही शाळेच्या परिसरात यामुळे जिल्ह्यात एकच खळबळ उडाली.
विशेष बाब म्हणजे, तरुणीवर जीवघेणा हल्ला करणारा आरोपी हा हल्ला करून स्वतःहून बोरी पोलीस ठाण्यात हजर झाला. त्यावेळी त्याने आपले या तरुणी बरोबर लग्न झालं असल्याचा दावा त्याने केला. आम्ही दोघे पती -पत्नी असल्याची माहिती त्याने पोलिसांना दिली. तसंच, आम्ही दोघांनी यापूर्वी सोबत संसार केल्याचा हा दावा त्याने केला आहे. तसा एक फोटोही आरोपीने सादर केला आहे. पण त्याने तरुणीवर हल्ला का केला हे मात्र अद्याप कळू शकलेले नाही. रोहित गायकवाड असं आरोपीचे नाव असून तो धाराशिव जिल्ह्यातील भूम येथील असल्याचे समोर आले आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Navi Mumbai : मोबाईल वर बोलला आणि जिवानिशी मुकला! काय घडले नेमके?
Bhandara Video : आऊट ऑफ कंट्रोल झालेल्या बैलगाड्याने थेट आजोबांना उडवले; व्हिडिओ व्हायरल
Ajit Pawar : अजित पवारांचा फोर्थ सीटवरुन प्रवास! CM शिंदेंच्या कारमधील ‘तो’ व्हिडिओ व्हायरल
SSC-HSC Exam : दहावी, बारावीच्या परीक्षेसंदर्भात महत्त्वाचा बदल, आता ‘हे’ काम होणार ऑनलाईन
Mumbai Highcourt : तुला जेवण बनवता येत नाही असं म्हणणं म्हणजे क्रूरता नाही; हायकोर्टाने दिला निर्णय
Kolhapur News : धक्कादायक! कोल्हापूरमध्ये गर्भपात रॅकेटचा पर्दाफाश
Nagpur News : नागपूर हळहळलं! अर्ध्या तासाच्या अंतराने बाप – लेकाचा मृत्यू